Unsa man gayod ang gisaad kang Abraham sa Genesis? Gisiguro ba nga gipili lang sa Dios si Abraham ug sa walay basehan nagdesisyon Siya nga ihatag kaniya ang yuta sa Canaan? Ang Biblia nag-ingon nga ang Dios walay pinasahi sa mga tawo; nagpasabot nga dili Siya mopabor sa usa ka tawo labaw sa lain.

Si Pablo nag-ingon sa Galacia nga ang ebanghelyo giwali kang Abraham, ug ang saad sa ebanghelyo mao nga ang mga mapaubsanon makapanunod sa yuta. Si Abraham nagpaabot ug mas maayong yuta, nga ang magtutukod ug magbubuhat mao ang Dios. Ug gisulti kanato nga samtang buhi pa siya dinhi sa kalibutan, wala siya makadawat bisan usa ka gamay nga bahin sa iyang panulondon.

Ang konklusyon nga gipresentar niini nga gamay’ng libro mao nga kang Abraham gihatag ang saad sa yuta pinaagi sa saad sa ebanghelyo nga makita diha kang Kristo Hesus.

Ang mga implikasyon niini mao nga wala nay pinasahi nga mga katawhan nga giila nga espesyal sa yuta sa Israel sa karon nga panahon. Ang mga katungod sa yuta anaa lamang kang Kristo ug sa mga saad sa ebanghelyo. Ug ang mga implikasyon niini halayo kaayo ug lapad ang sakop.

Hinaut nga mangita kita niadtong mas maayong yuta kauban ni Abraham pinaagi sa ebanghelyo ni Hesu-Kristo.