22 - KASUGOAN SANG DIOS

From this English study: https://maranathamedia.com/download/view/22-the-law-of-god
Use with this chart: https://maranathamedia.com/download/view/07-attack-on-the-law

Download Illongo .word file:
https://maranathamedia-philippines.com/file_proxy/volume_ams3_01/maranathamedia-philippines.com/downloads/studies/lesson22.docx

Masami sang mga Kristohanon karon ang nagapati nga ang kasugoan sang Dios para lang sa mga tawo sang unang panahon sa Biblia, kag indi na ini maaplay sa aton panahon karon  kay yari na kita idalum sa bugay kag kuno  tungud nga ari na kita sa bag-ong katipan. Samtang Biblia may  madamu gid sing mahambal nahanungud sa kasugoan kag grasya ukon bugay, bisan paman nga matuud gid nga ang mga Kristohanon naluwas paagi sa bugay ukon grasya paagi sa pagtoo kay Kristo, apang wala gid kita sang makita sa bisan diin nga bahin sa Biblia nga magasiling nga ang kasugoan wala na sing kaangtanan sa tawo. Ang pagsunud sa  Kasugoan indi amo ang paagi agud kita maluwas kundi ini ibedensya lang nga kita nakabaton sang kaluwasan. Ini bunga lamang sa kaluwasan nga ginhatag ni Kristo.

1 Juan 3:4        Ang bisan sin-o nga nagapakasala nagalapas sang mga sugo sang Dios, kay ang sala amo ang paglapas sang mga sugo sang Dios.

Ini nga texto nagapaathag nga ang sala amo ang “ paglapas sang kasugoan sang Dios”. Aton yadaan nga ini nga dinalan, ginsulat sang isa sang mga disipulo ni Jesus matapus nga Sia napatay didto sa krus. Ini ngadpinasyon nagpabilin nga amo lang gihapon sa daan kag sa bag-ong katipan. Ang amo gihapon nga disipulo nagsulat man nga: “Ang tanan nga pagkadimatarung sala”… 1 Juan 5:17. Busa, ang pagkamatarung amo ang pagkabuhi nga wala na gapakasala, kag tungud kay ang sala amo ang pagkawalay kasugoan, niyan ang pagkamatarung amo ang pagkabuhi nga may harmoniya sa kasugoan sang Dios. Si Apostol Pablo nagsiling, magluwas sa Dios “wala na sing matarung, wala bisan isa…”Roma 3:10. May nagaisahanon gid lamang nga matarung, kag ina amo ang Dios (Salmo 11:7).  Indi mo gid masikway ang Diosnong pagkamatarung okon ibulag ini gikan sa iyang kasugoan.

Isaias 51: 6,7   Tan-awa ninyo ang kalangitan kag ang kalibutan. Madula ang kalangitan pareho sa aso, kag magagabok ang kalibutan pareho sa panapton, kag magakalamatay ang mga pumuluyo sini pareho sa mga sapat-sapat. Pero ang kaluwasan nga ihatag ko magapadayon sa wala sing katapusan. Ang kadalag-an nga may pagkamatarong nga halin sa akon mangin inyo hasta san-o. Pamatii ninyo ako, kamo nga nakahibalo kon ano ang husto kag nagatuman sang akon kasuguan! Indi kamo magkahadlok sa mga pagpakahuya ukon mga pagyaguta sang mga tawo sa inyo.

Aton makita diri nga ang Diosnon nga pagkamatarung amo ang Iyang kasugoan.

Ang kasugoan sangDios indi isa ka butang nga iya ginaimposar sa aton nga sundon kundi nga kasugoan amo ang pagpahibalo kon paano magkabuhi ang Iyang mga tinuga. Ang bisan ano nga nagaguwa sa amo nga pagkabuhi, ini magaresulta sing natural nga kamatayon.

Roman 6:23     Kay ang bayad sa sala amo ang kamatayon, pero ang kabuhi nga wala sing katapusan amo ang regalo sang Dios sa mga ara kay Cristo Jesus nga aton Ginoo.

Talupangda ini, nga ang “sala” amo ang nagadala sang kamatayon sa makasasala, indi ang Dios. Wala ang Dios nagapamilit nga ang Iyang kabubut-on ang matuman. Indi gid Sia maghimo nga kuhaon niya sa imo ang imo kahilwayan sa pagpili. Sing may mga luha ang mga mata ikaw iyang tugutan nga magkabuhi nga supak sa iyang kabubut-on kag imong makit-an  ang kaugalingon nga dili takus sa sinang kabuhing walay katapusan (Binuhatan 13:46).

Madamu sang mga tawo nga nagatulok sa kasugoan sang Dios bilang isa ka “indi” makatarungon nga kasugoan kag nagademanda sing dili makatarunganon nga silot kon ini lapason. Ini nga panlantawan sayup kaayo paagi sa pagbutang sang kasugoan sang Dios nga daw ka subung sa pag-operar sang kasugoan tawhanon. Ang amo nga mga tawo, nagtulok nga ang kasugoan sang Dios amo ang alagyan sang kaluwasan.  Kon sundon ang mga rules kabahin ka sa grupo, pero kon indi, indi ka pwedi mag-intra or kicked out ka. Apang indi amo sini ang kasugoan sang Dios. Ang Iyang kasugoan indi makaluwas, kundi ang pagkamasinulundon amo ang BUNGA sang kaluwasan.

Roman 3:20     Kay wala gid sing tawo nga pakamatarungon sa atubangan sang Dios paagi sa pagtuman sang Kasuguan. Ang Kasuguan ginhatag sa tawo agod ipakita nga siya makasasala.

Ini nga texto wala nagasugid nga indi ta kinahanglan nga magtuman sang kasugoan kundi ini nagasugid nga kita wala ginpakamatarung tungod sa pagtuman sang kasugoan. Kita ginpakamatarung paagi sa dugo ni Jesus. Wala gid ini nagahambal nga dili na ta magtuman sang kasugoan sang Dios. Naluwas kita paagi sa bugay sang Dios lamang paagi sa pagtoo. Apang wala ni nagkahulugan nga ang pagbuhat wala na sing pulos sa kristohanon nga pagkabuhi.

Epeso 2:8-10   Kay tungod sa bugay sang Dios naluwas kamo paagi sa inyo pagtuo kay Jesu-Cristo. Ini regalo sang Dios kag wala nabasi sa inyo maayo nga mga binuhatan, gani wala gid sing may makapabugal. 10 Ginhimo kita sang Dios; kag sa aton paghiusa kay Cristo Jesus ginhatagan niya kita sing bag-o nga kabuhi, agod maghimo kita sing maayo nga mga buhat, nga iya na nga daan gin-aman nga aton pagahimuon

Roma 6:14-15 Gani ang sala indi dapat maggahom sa inyo, kay wala na kamo sa idalom sang Kasuguan, kundi ara na sa idalom sang bugay sang Dios.Karon, tungod nga kita wala na sa idalom sang Kasuguan kundi sa idalom na sang bugay sang Dios, magpakasala pa bala kita? Indi gid!

Indi idalum sakasugoan nagkahulugan ini nga wala kita naidalum sa kondinasyon sang kasugoan tungud sa bugay ni Kristo Jesus. Magpabilin lamang kita sa amo nga kondinasyon kon padayon kita nga nagatinguha sa pagsunod sa kasugoan agud nga maluwas. Ini tama gid ka imposibli nga matabo kag ang resulta sini pirmi amo ang kapaslawan kag pagkondinar sa kaugalingon bangud kay ang “unodnon nga hunahuna kaaway sa Dios: indi gid ini magapaidalum sa kasugoan sa Dios,” Roma 8:7. Una kinahanglan naton ang Espiritu sang Dios ukon ang Iyang presensya paagi sa pagpuyo ni Kristo sa sulod naton.

Roma 8:9,10                Pero kamo wala na sa paggahom sang inyo tawhanon nga kinaugali. Kay kon ang Espiritu sang Dios nagapuyo sa inyo, ginagamhan na kamo sang Espiritu. Ang tawo nga wala sa iya ang Espiritu ni Cristo indi iya ni Cristo. 10 Pero tungod nga si Cristo ara sa inyo, bisan mapatay ang inyo lawas tungod sa sala, mabuhi gihapon ang inyo espiritu tungod kay ginpakamatarong kamo sang Dios

Ang Ginhari-an sang Langit wala nagabasi sa performance, kundi sa aton  pakamanunubli ni Kristo bilang anak nga babayi kag anak nga lalaki sang Dios.

Roma 8:12-17             Gani mga utod, dapat sundon ta ang gusto sang Dios kag isikway ta ang gusto sang aton tawhanon nga kinaugali. 13 Kay kon magkabuhi kamo suno sa inyo tawhanon nga kinaugali, mapatay kamo. Pero kon paagi sa Espiritu Santo isikway ninyo ang malain nga mga buhat sang inyo lawas, magakabuhi kamo.14 Ang mga ginatuytuyan sang Espiritu sang Dios amo ang matuod nga mga anak sang Dios. 15 Kay ang Espiritu nga inyo nabaton wala naghimo sa inyo nga mga ulipon, nga nagakahadlok pareho sang inyo nabatyagan sang una, kundi naghimo siya sa inyo nga mga anak sang Dios. Karon, paagi sa Espiritu Santo makatawag na kita sa Dios nga, “Amay.” 16 Ang Espiritu Santo upod sa aton espiritu amo ang nagapamatuod nga kita mga anak sang Dios tungod nga kita mga anak na sang Dios, mga manunubli kita sang mga butang nga ginatigana sang Dios para sa aton. Mga manunubli kita kaupod ni Cristo. Kay kon nagaantos kita subong pareho kay Cristo sang una, magaabot ang adlaw nga padunggan man kita kaupod niya.

Ang palamangkutanon nga ginpamangkot ni Pablo; magpalapas nalang bal akita sa kasugoan sang Dios tungod kay idalum nakita sa Iya grasya?” Kag ang sabat amo ang maathag nga “nagdumili ang Dios”. Ang kapatawaran sang aton mga sala, wala naghatag sa aton pahanugot nga magpakasala.

Roma 3:31                   Ini wala nagakahulugan nga ginasikway ta ang Kasuguan, kundi ginatuman ta ang iya husto nga katuyuan.

Ang matuud nga sumulunod ni Kristo, indi gid magtinguha nga maglalissa kasugoan sang Dos, kundi magapalig-on pa gid gani sing labi, igabayaw ini sing labi kag pagtipigan ini sing labi. Sadtong mga nagalapas sa amo nga kasugoan lang ang makabatyag sang kondinasyon sang kasugoan. Indi kay tungud nga kita idalum na sa bugay maglapas nalang kita; indi amosina, sa baylo may obligasyon kita sa pagtuman. Ang grasya sang Dios labi ngga makita kon nagasunod kita. Ang kondinasyon nagsugud lang kay Adam, sang iyang ginkondinar ang Dios kag ang iyang asawa sang siya ginpamangkot ngaa nagkaon ka sang bunga sang kahoy nga gindumili ko ngaipkaon.  Aton napanubli ang amo man nga Espiritu sangpagkondinar nga amo ang gakagat sa aton sa tion nga kita makabuhat sing sala. Kona ton lapason ang kasugoan kag batonon ini bilang maayon, ang aton konsinsya amo mismo ang magakondinar sa aton. (Roma 2:15-16).

Roma 7:7                     Karon basi kon may magsiling nga kon amo sina, malain gali ang Kasuguan. Wala ako nagasiling nga malain. Kay kon wala ang Kasuguan wala ako nakahibalo kon ano ang sala. Halimbawa, kon wala nagsiling ang Kasuguan, “Indi ka magkaibog,” wala ako nakahibalo nga malain ang pagkaibog.

Ginabatyag lang ni Pablo ang aton man mga gina-agi karon. Wala sing malain sa kasugoan. Sa pagkamatuud hambal nya, kita nakakilala sang sala bangud sang kasugoan nga nagpakita sa aton sayup nga binuhatan. Ara ang isa sang napulo ka kasugoan nga iyang ginhinambit. Ang kasugoan kaangay sang espiho . Kon ang isa katawo nga may higku sa guya nag-atubang sa espiho kag ang espiho nagsugid sa iya nga may higku iya guya— pero ang higku sa guya, nagapabilin tubtub nga ini imo mahugasan kag mahabonan. Samtang kita nagatulok sa kasugon sang Dios, makita naton ang aton pagkamalinapason sa mga kasugoan, apang ang kasugoan dili makatinlo sa aton. Kinahanglan kita nga mahugasan sang dugo ni Jesus agud nga malimpyo kita. Kon kita natinloan na, kon kita magtan-aw sa kasugoan, indi na kita makabatyag sing kondinasyon sa kaugalingon.

Roma 7:12                   Ang Kasuguan balaan, kag ang tanan nga sugo sini balaan, matarong, kag maayo.

Ang kasugoan sang Dios himpit— indi gid masayup.

Daniel 9:27                  Amo man ini ang ginsiling ni Isaias parte sa mga Israelinhon: “Bisan daw pareho sa balas sa baybayon ang kadamuon sang mga kaliwat ni Israel, diutay lang sa ila ang maluwas.

Ang mga halad-halad isa ka serimonya. Sa daan nga katipan ang paghalad sa mga sapat ginahimo, nagasimbolo sang sakripisyo ni Jesus bilang misias sang Siya nagkari sa duta. Ini nga mga sakripisyo ginhimo agud nga mahangpan sining manubo nga hunahuna sang tawo. Ang sala amo ang rason ngaa nagduhaduha kita sa Dios kag sa Iya walay kinutuban nga kalooy.  Ang kalooy sang Dios libri, pero ang hunahuna sang tawo nga ang Dios nagadumot kag kinahanglan nga ulo-ulohan okon paayunan.  Ginpasundan ni Jesus ang aton sayup nga mga panghunahuna sang justisya paagi sa Iya kamatayon sa krus bilang Cordero sang Dios. Paagi sa aIyang kamatayon sa krus ang tawo magtoo sa Diosnong kapatawaraan kag bilang resulta sini, ang mg sakripisyo kag mga halad ginpauntat gikan sa sayup naton nga paghangup. Sang Siya napatay, ang kurtina sa Templo napihak, nag-indikar nga ang sirbisyo sa templo diri sa duta natapus na. Ang katapusan sang mga sakripisyo kag mga haladhalad kag mga sibisyo sa templo upod ang iyang mga regulasyon indi na maaplay sa karon.

Ang Biblia wala nagatan aw sang kinalain sang 10 ka kasugoan sa kasugoan ni Moises; kay ini pareho nga ginhatag sang Dios. Ang isa aplikasyon kag ang isa amo ang pagpaathag sa kon paano hangpon.

Nehemiah 8:1-3,8       nagtipon sila tanan sa Jerusalem nga may pag-isa, didto sa plasa nga ara sa atubangan sang Puwertahan nga Pakadto sa Tubig. Ginpangabay nila si Ezra nga manunudlo sang Kasuguan nga kuhaon niya kag basahon ang Libro sang Kasuguan ni Moises nga ginpatuman sang Ginoo sa mga Israelinhon.Gani sadto nga adlaw, ang nahauna nga adlaw sang ikapito nga bulan, gindala ni Ezra ang Kasuguan sa atubangan sang mga tawo— mga lalaki, mga babayi, kag mga kabataan nga may buot na. Ginbasa niya ini sa ila sing mabaskog halin sang pagbutlak sang adlaw hasta mag-udto, didto sa plasa nga ara sa atubangan sang Puwertahan nga Pakadto sa Tubig. Ang tanan nga tawo nagpamati gid sing maayo sa Libro sang Kasuguan. Nagbasa sila sa Libro sang Kasuguan sang Dios kag ginpaathag ang kahulugan sini, agod maintiendihan sang mga tawo.

Sa Numeros 28 kag 29 nagasugid sa aton  nga ang tanan nga mga halad kag sakripisyo ginahiwat suno sa gintangdo sang Dios nga tion upod na diri ang semana nga inugpahuway, kada Bulan nga pag-alagdan kag ang mga tuigan nga kapiestahan kag amo man ang tuiga nga mga inugpahuway. Si Pablo nagtudlo nga nga bisan ang mga halad kag sakripisyo ginpauntat apang ang mga tinangdoan nga tion, nagapabilin bilang “tion sang pagpaumpaw” para sa mga tumuloo nga buut magbaton sang madamung pagpakamaayo gikan sa presensya sang Dios.  

Hebreo 10:5-25           Amo ina nga sang pagkadto ni Cristo diri sa kalibutan nagsiling siya sa Dios, “Wala mo nagustuhan ang nagkalain-lain nga klase sang mga halad, kundi ginhimuan mo ako sang lawas nga akon ihalad. 6 Kay wala ka malipay sa mga halad nga ginasunog kag sa mga halad sa pagpakatinlo. 7 Gani nagsiling ako, ‘Yari karon, nagaabot ako sa paghimo sang imo kabubut--on, O Dios,’ subung nga nasulat sa Kasulatan parte sa akon.’” 8 Premiro nagsiling si Cristo nga wala nagustuhan sang Dios ang nagkalain-lain nga mga halad nga ginahalad sa iya para sa ila mga sala. Ginsiling niya ini bisan matuod nga ini tanan ginahalad suno sa Kasuguan. 9. Pagkatapos nagsiling siya sa Dios, “Ari ako sa pagtuman sang imo kabubut-on.” Gani paagi sini, nahibaluan ta nga gin-ilisan na sang Dios ang daan nga mga paghalad kag ang halad ni Cristo amo ang iya ginbulos. 10. Kag tungod kay gintuman ni Jesu-Cristo ang kabubut-on sang Dios, ginlimpyuhan niya kita sa aton mga sala. Natabo ini paagi sa iya paghalad sang iya kaugalingon nga lawas sing makaisa gid lang. 11. Ang mga pari adlaw-adlaw gid ang ila serbisyo didto sa simbahan sa paghalad sa Dios. Ugaling ang ila mga halad nga palareho man lang indi gid makakuha sang mga sala sang mga tawo. 12. Pero si Cristo kaisa gid lang naghalad para sa aton mga sala kag indi na gid kinahanglan nga liwaton pa. Pagkatapos nagpungko siya sa tuo sang Dios. 13. Kag subong didto na siya nagahulat hasta sa tion nga paampuon sang Dios sa iya ang iya mga kaaway. 14. Gani paagi sa isa ka halad, kita nga mga ginlimpyuhan na sa sala ginhimo niya nga wala sing kakulangan sa wala sing katapusan. 15. Ang Espiritu Santo mismo nagapamatuod sa aton parte sa sini nga mga butang, kay nagsiling siya, 16. “Nagsiling ang Ginoo, ‘Ang bag-o nga kasugtanan nga akon himuon sa ila sa palaabuton nga mga inadlaw amo ini: Ibutang ko ang akon mga sugo sa ila tagipusuon, kag isulat ko ini sa ila hunahuna.’” 17. Kag nagsiling pa gid siya, “Indi ko na pagdumdumon ang ila mga sala kag ang ila malain nga mga ginhimo.” 18. Gani tungod kay ang aton mga sala napatawad na, indi na kinahanglan nga magsagi pa kita halad para sa aton mga sala. 19. Magpalapit Kita sa Dios Gani mga utod, tungod sa dugo ni Jesus nga iya gin-ula para sa aton, hilway na kita nga magsulod sa Labing Balaan nga Lugar. 20. Kay paagi sa paghalad sang iya lawas, gin-abrihan niya para sa aton ang bag-o nga alagyan agod makasulod kita sa Labing Balaan nga Lugar nga ara sa pihak sang kurtina. Kag ang ini nga alagyan nagadala sa aton sa kabuhi nga wala sing katapusan. 21. Makagagahom ang aton pari nga nagadumala sa balay sang Dios. 22. Gani magpalapit kita sa Dios nga may sinsero nga tagipusuon kag pagtuo nga wala gid nagapangduhaduha. Kay nahibaluan ta nga ginlimpyuhan na ang aton tagipusuon sa malain nga hunahuna paagi sa dugo ni Jesus, kag ang aton lawas nahugasan na sang limpyo nga tubig. 23. Magpakalig-on kita sa aton paglaom kag indi kita magpangduhaduha, tungod kay ang Dios nga nagpromisa masaligan gid sa pagtuman sang iya mga ginpromisa sa aton. 24. Kag tinguhaan ta gid nga mapukaw ang balatyagon sang kada isa nga maghigugma sa iya isigkatawo kag maghimo sang maayo. 25. Indi ta gid pagpabay-an ang aton kinabatasan nga pagtilipon, pareho sang pagpabaya nga ginahimo sang iban, kundi palig-unon ta ang isa kag isa, labi na gid subong nga makita ta na nga malapit na lang ang pagbalik sang Ginoo.

Binuhatan 3:19.          Gani karon, kinahanglan maghinulsol na kamo kag magpalapit sa Dios, agod patawaron niya ang inyo mga sala,

Para sa patas nga manugbasa sang pulong sang Dios, nangin labi pa gid kaathag nga ang kasugoan sang Dios tubtub karon bugkos sa gihapon ini sa tunga sang Dios kag sang tanan nga katawhan sa tanan nga duug. Ang kasugoan magapabilin tubtub nga ang langit kag ang duta nagapabilin. 

Mateo 5:17-19            Ang Pagpanudlo Parte sa Kasuguan “Indi kamo maghunahuna nga nagkadto ako diri sa pagbaliwala sang Kasuguan ni Moises kag sang mga sinulatan sang mga propeta. Nagkadto ako diri sa pagtuman sini. 18. Sa pagkamatuod, samtang ara pa ang langit kag ang duta, wala gid sing bisan gamay nga bahin sang Kasuguan nga mabaliwala hasta wala pa matuman ang tanan. 19. Gani ang bisan sin-o nga maglapas sang bisan labing gamay nga bahin sang Kasuguan kag magtudlo sa iban nga maglapas man, siya ang labing kubos sa mga nasakop sa paghari sang Dios. Pero ang bisan sin-o nga magtuman sang Kasuguan, kag magtudlo sini sa iban nga magtuman man, kabigon siya nga dungganon sa mga nasakop sa paghari sang Dios.

Marcos 12:29-31         Nagsabat si Jesus, “Ang labing importante nga sugo amo ini: ‘Pamati kamo, katawhan sang Israel! Ang Ginoo nga aton Dios amo lang ang Ginoo. 30. Gani higugmaon mo ang Ginoo nga imo Dios sa bug-os mo nga tagipusuon, sa bug-os mo nga kalag, sa bug-os mo nga hunahuna kag sa bug-os mo nga kusog.’ 31. Ang madason nga labing importante nga sugo amo ini: ‘Higugmaon mo ang imo isigkatawo pareho sang paghigugma mo sa imo kaugalingon.’ Wala na sing sugo nga labaw pa sa sining duha.”

Ang nahaunang apat ka kasugoan amo ang aton gugma sa Dios kag ang katapusan nga anum amo ang gugma sa aton isigkatawo. Ini matungasa duha ka bahin. May isa lamang ka principyo nga gin-angtan kag ini amo ang GUGMA. Sa sini nga kasugoan aton mabasa ang kinaiyahan sang Dios: ang DIOS GUGMA”. Sa sugud kon aton tan-awon daw sa listahan ini sang mga “dili”, pero kon si Kristo na gali ang magahari sa tagipusoon, ang amo nga kristohanon mamotibar na sa gugma. Iya na batyagon ang handum nga mapahamuot ang Dios kag ang pagrespeto sa iyang isigkatawo mangin mahapus na sa iya. Sa tion nga ini masulat na sa aton tagipusoon,  ining 10 ka kasugoan mangin 10 na ka mga saad sang Dios sa aton. Kag  ini Iyang himoon mismo sa tagiposoon naton.  

Ang bilog nga Biblia ginsulat sang tawo, apang ginmandoan sang Espiritu sang Dios. Ang 10 ka sogo sinulat sang tudlo sang Dios. Sigurado nga importante ini.

Sa diin na hamtang ang 10 ka sogo?

Exodus 25:16              Dayon isulod sa Kahon ang malapad nga bato nga sa diin nasulat ang Kasuguan nga ihatag ko sa imo.

Ang gamay nga kahon nga gintawag nga”arka”, nga nabutang sa sulod sang santuario, amo man ang bulutangan sang 10 ka sogo. Ang libro sang kasogoan upod ang 10 kasogo nga nasulat sa linukot, ginpahamtang sa kilid sang arka. Ang 10 ka kasogoan ginatumod billang “testimoniya”.

Santiago 2:8-12           Pero kon ginasunod ninyo ang kasuguan sang Hari, nga nasulat sa Kasulatan nga nagasiling, “Higugmaon mo ang imo isigkatawo pareho sang paghigugma mo sa imo kaugalingon,” maayo ang inyo ginahimo. 9. Pero kon may pinilian kamo, nakasala kamo kag suno sa Kasuguan dapat kamo silutan, kay ginalapas ninyo ato nga sugo. 10. Ang bisan sin-o nga nagatuman sa bug-os nga Kasuguan pero nakalapas sa isa ka sugo, nakalapas sa tanan nga Kasuguan. 11. Kay ang nagasiling, “Indi ka magpanginbabayi ukon magpanginlalaki,” amo man ang nagasiling, “Indi ka magpatay.” Bisan wala ka nagpanginbabayi ukon nagpanginlalaki, pero kon nakapatay ka, ginlapas mo ang Kasuguan. 12. Gani mag-andam kamo sa inyo paghambal kag pagginawi, tungod nga ang Kasuguan nga nagahilway sa inyo amo man ang magahukom sa inyo.

Walay birtud ang pagsunud sang 9 ka kasugoan kon indi man lang 10. Kon ang isa ka tawo naggakabit sa 10 ka kadena kag ang isa nabugto, indi bala siya mahulog? Ang kusog sang kadena nagadepende sa iyang pinakahuyang nga tinabuan. Matuud, indi kita maluwas paagi sa pagsunod sa kasugoan, apang ini ga pakita nga kita hukman paagi sini. Kon si Kristo ang maghari sa sulod sang aton tagipusoon, Siya maghatag sa aton sang kusug sa pagsunod.

Salmo 111:7-8             Matutom kag matarong siya sa tanan niya nga ginahimo, kag masaligan ang tanan niya nga mga sugo. 8. Ining iya mga sugo nagapadayon sa wala sing katapusan, kag ginhatag niya ini nga may katutom kag pagkamatarong.

Ang kasugoan sang Dios walay katubtuban.

Bugna 14:12                Gani kamo nga mga katawhan sang Dios, nga nagatuman sang iya mga sugo kag nagatuo kay Jesus, kinahanglan magmainantuson kamo.

 Ang katawhan sang Dios sa katapusan nga tion, mga manugtipig sang kasugoan. Wala gid sa ila mga hunahuna ang pagwala sang kasugoan sa baylo ila ini nga ginapalig-on.

Hebreo 8:10                Nagsiling pa ang Ginoo, “Ang bag-o nga kasugtanan nga akon himuon sa katawhan sang Israel sa palaabuton nga mga inadlaw amo ini: Ibutang ko ang akon mga sugo sa ila hunahuna, kag isulat ko ini sa ila tagipusuon. Ako mangin ila Dios, kag sila mangin akon katawhan.

Ang lalambuton sang walay katapusan nga maayong balita amo ang pagsulat sang kasugoan sang Dios sa aton tagipusoon. Ginsulat lang naman yadto sa bato sang Dios para sa mga Israelinhon tungod nga naghambal sila nga bisan anong ihambal sang Dios sa ila himoon nila. (Exo. 19:8) ginpakita ni Jesus sa aton sing maathag kon paano ang kasugoan ikabuhi paagi sa Espiritu. Yadtong nagiyahan sang Espiritu; ang amo nga mga kasugoan nasulat na sa ilang hunahuna kag mga tagipusoon. Ini amo ang saad sang walay katapusan nga pagpakigkatipan. Malig-on ini nga ginpasad sa kristohanon nga paagi sang pagkabuhi. (2Cor. 3:3).

Hebreo 5:9                  Pagkatapos nga naagihan niya ang tanan nga dapat niya agihan, nangin manluluwas siya sang tanan nga nagatuman sa iya, agod hasta san-o, hilway na sila sa silot nga para sa ila mga sala.

Naluwas kita indi tungud kay masinulondon kita, — kundi bangud nga naluwas na kita nangin masinulundon ta.

Manugwali 12:13        Karon nga nabasahan mo ini tanan, amo ini ang akon masiling sa katapusan: Magtahod ka sa Dios kag tumana ang iya mga sugo, kay amo ini ang katungdanan sang tagsa ka tawo.

Juan 14:15                   Ang Espiritu Santo nga Ginpromisa ni Jesus “Kon ginahigugma ninyo ako, tumanon ninyo ang akon mga sugo.

Ang gugma makita sa paagi sa Pagkamasinulondon.  Abyan, ang gugma bala ni Jesus naghatag sa imo sing gahum sa pagsunud sa Iya? Dumduma, ginhigugma ka niya bisan pa sa kamatayon. Ang iya lang karon sa imo nga pamangkot amo nga gusto kabala nga isulat Niya sa imo hunahuna kag tagipusoon ang iyang mga kasugoan? Ini mangin mamag an kag mahapus lamang kon Siya amo ang magahari sa imo sugud karon. Makasalig ka bala sa Iya? Ang Iyang presensya sa imo kabuhi maggadala sa imo sing kalipay kag kalinong. Ang Diosnong paagi amo ang pakamasinulondon kay Jesus kag kon siya amo ang hari sa imo kabuhi, mag may gahum ka sa pagsunod sa iyang mga kasugoan nga malipayon  nga pinasikad sa  gugma.

Review Sheet—Ang kasugoan sang Dios

Assignment: tun-I maayo ang Bible study guide sa dili pa ikaw magsabat sini.

1. Ano ang sala? 1 Juan 3:4
2. Maluwas bala kita paagi sa pagtuman sa kasugoan? Roma 3:20
3. Ini bala nagkahulugan nga indi na ta magsunud sa kasugoan tungud kay indii ini magapakamatarung sa aton nga pagkamakasasala? Roma 6:14,15.
4. Ang dugo niJesus amo ang naglimpyo sa aton gikan sa aton mga sala—indi ang kasugoan: apang ang kasugoan amo ang basihan sang Diosnong pagkamatarung.  Sa sini nga pagtoon, ang kamatuoran gin-ilustrar sa isa ka tawo nga nagatulok sa Espiho.
5. Ano ang ginsimbolohan sang Espiho?                      
6. Ano naman ang ginrepresentaran sang habon kag tubig?
7. Ano naman ang ginrepresentaran sang guya sang tawo nga may higku?
8. Kagustohan bala ni Jesus nga mawala ang kasugoan sang Dios? Mateo 5:17-19
9. Sin o ang nagsulat sang 10 ka sogo sa tapitapi nga bato?Exodo 31:18
10. Ano ang matabo kon ang isa sang kasugoan dili ta pagsundon? Santiago 2:8-12
11. Asta san-o nga magpabilin ang kasugoan sang Dios? Salmo 111:7-8
12. Paano tratahon sang katawhan sang Dios ang iyang kasugoan sa katapusan sang tion? Bugna 14:12
13. Sa diin na nahamtang ang kasugoan sang Dios sa sining bag-ong katipan nga mga kristohanon? Hebreo 8:10

______________________________________________________________________

Ano ang natural nga resulta sang aton gugma sa Dios? Juan 14:15

Kon _________________________________________________________________

Handum mo bala sa bugay sang Dios nga ikaw man magasunud sa kasugoan sang Dios?_____