19-Langit
From this English study: https://maranathamedia.com/download/view/18-the-millennium
Use with this chart: https://maranathamedia.com/download/view/35-when-jesus-becomes-king
Download Illongo .word file:
https://maranathamedia-philippines.com/file_proxy/volume_ams3_01/maranathamedia-philippines.com/downloads/studies/Lesson19.docx
Madamu sang mga tawo nga nagakilala nga ang langit binata nga pantasya lamang, pinalatonlaton nga storya sa tapus sang kabuhi, sa diin mapaumpaw sang hunahuna nga may madamu sing kapaslawan kag kasakit sa presente nga kahimtangan. Ang iban naman nagahunahuna bilang indi matuud nga mga imahinasyon kaangay; nga ang mga balaan nagahampang sang arpa sa mga panganud ukon balangaw. Samtang ang iban nagakipay sa kasiguruhan nga ang langit poluy-anan nga matuud kag may katumanan— ang duug nga may kalipay nga dayon. Ano ang hambal sa kasulatan?
2 Corinto 12:2 Nakilala ko ang Isa ka tawo kay Kristo nga sang 14 na katuig ang nagligad ginsabnit tubtub sa ikatlong langit— kon sa lawas ukon sa gowa sang lawas wala ko makahibalo, ang Dios nakahibalo.
Klaro nga kon may Ikatatlo nga langit, may ikaduha kag may nahaunang langit. Ano ining duha ka langit? Kag ano Ining ikatatlong langit?
Bugna 19:17 Niyan nakita ko ang manugtunda nga nagatindug sa adlaw, kag sa mabaskug nga tingug nagtawag sia sa tanan nga mga pispis nga nagalupad sa tunga sang langit, “ Kari kamo, magtipon nga sa dakung panihapon sang Dios”.
Genesis 1:8 Ang Dios nagtawag sang kahawaan langit Kag may kagab-ihon kag may kaagahon, ikaduha nga adlaw.
Ang Biblia nagtawag sang kahawaan— langit. Sa pagpasunod sa iyang Distancia, ini amo ang nahaunang langit.
Salmo 8:3 kon pamalandungon ko ang Imo mga kalangitan, ang binuhatan sang Imo mga tudlo, ang bulan kag ang mga kabitoonan nga imo ginpalatok.
Yari ang Ikaduhang langit— sa diin ang mga kabitoonan kag mga planeta na plastar.
2 Corinto 12:4 Paano nga Sia ginliton pa paraiso kag nakabati sing mga pulong nga di mamitlang , nga di tugut sa tawo ang pagmitlang.
Mateo 6:9. Busa pangamuyo kamo sing subung sini: Amay namon nga yara sa mga langit, pakabalaanon ang Imo ngalan.
Ini amo ang Ikatatlong langit nga ginlitonan suno kay Pablo sa verse 2 kag ginatumud bilang paraiso. Si Jesus nagatumud bilang lagitnong duug sang Amay.
Juan 14:1-3 Dili malisang ang Inyo mga tagipusoon; magtoo kamu sa Dios magtoo man kamu sa akon. Sa balay sang akon Amay may madamung hulut; kon wala, magasugid bala ako sa inyo nga nagakadto ako sa pag-aman sa inyo sing duug? Kag kon ako makakadto kag makaaman sa Inyo sing duug, magabalik ako kag dalhon ko kamu kaupud nakon, agud nga kon diin ako didto man kamo.
Ang mga sumulunod ni Jesus ginpasaligan sing langitnong puluy-anan— sa diin ang Amay nagapuyo— si Cristo mismo ang nagsaad sa pag-andam sing duug para sa mga matutum nga sumulunod.
1 Corinto 2:9 Pero suno sa ginasiling sang Kasulatan,“Wala pa gid sing may nakita, nabatian, ukon nahunahuna ang tawo nga sarang maikomparar sa mga butang nga ginpreparar sang Dios sa mga tawo nga nagahigugma sa iya.”
Ang paglaragway sang himaya sang dutang walay katapusan; labaw sang sa aton masarangan nga lambuton. Ang aton pinakataas nga imahinasyon dili makakab-ot sa kon ano ang iyang kaparehaan. Ang aton lang nga ang Dios nagsaad kag ang Iyang saad matuud kag ina aton ginapatihan paagi sa pagtoo. Isa kaadlaw Inang saad aton mabaton lamang kita magmatutum.
Bugna 21:10 Dayon gin-gamhan ako sang Espiritu Santo kag gindala sang anghel sa putokputokan sang mataas gid nga bukid. Kag ginpakita niya dayon sa akon ang Balaan nga Siyudad nga kon tawgon Jerusalem, nga ginapaidalom sang Dios halin sa langit.
Sa Bugna kapitulo 21, si Juan naglaraway gamit ang dutan-ong pinulongan sa katahum sang bag-ong Jerusalem, ang tawhanong pulong kabus agud Ikapaathag ang katahum sang iyang nakita— yadtong daku nga syudad— ang bag-ong Jerusalem— nga gin-andam sang Dios para sa Iyang katawhan.
Bugna 21:1-3 Pagkatapos sadto, nakita ko ang bag-o nga langit kag ang bag-o nga duta, tungod kay ang daan nga langit kag ang daan nga duta nadula, pati ang dagat nadula man.2 Kag nakita ko ang Balaan nga Siyudad, ang bag-o nga Jerusalem, nga ginapaidalom sang Dios halin sa langit. Ang ini nga siyudad preparado na gid, pareho sa kalaslon nga babayi nga nakatrahe na sa pagsugata sa iya pamanahon.pamanahon. 3 Pagkatapos may nabatian ako nga mabaskog nga tingog halin sa trono nga nagasiling, “Karon, ang puluy-an sang Dios ara na sa mga tawo! Magapuyo siya upod sa ila, kag sila mangin iya na nga katawhan. Ang Dios mismo mangin ila kaupod [kag ila Dios].
Ginbuhat sang Dios ang tanan nga bag-o: bag-ong langit kag bag-ong duta. Ang ba-ong Jerusalem napahamtang sa duta. Ang Diosnong sentro ginbalhin sa duta—ginhimo nga kaangay sang Eden sa katahum kag kahimpit. Ang Dios magapuyo upod sa Iyang katawhan kag Ssia amo ang ila Dios
Mateo 5:5 5 “Bulahan ang mga mapainubuson,kay mangin ila ang kalibutan
Samtang nga ang Biblia nagsaad sa kaanakan sang Dios sang puluy-an sa langit, nagpagid ini sa mga mapainubuson nga magpanubli sang duta. Sa primero daw sa nagasumpaki ini, tubtub nga kon aton dumdumon ang katapusan sang Millenium , matapus ang paglimpyu paagi sa kalayo, ang langit magapanaug sa duta agud nga ini mangin puluy-anan nga dayon sang mga linuwas.
Hebreo 11:10,16 Kay ang matuod, ang siyudad nga ginapaabot ni Abraham wala sing iban kundi ang siyudad nga malig-on gid, nga ginplano kag ginpatindog sang Dios mismo.gindumdom pa nila, may kahigayunan sila sa pagbalik didto. 16 Pero ang ila ginhimo, ginpalabi gid nila ang mas maayo nga lugar, kag ini wala sing iban kundi ang siyudad nga didto mismo sa langit. Gani wala mahuya ang Dios nga tawgon nila siya nga ila Dios, kay ginpreparahan niya sila sang isa ka siyudad,
Ang puloy-an sang mga linuwas pagatawgon nga ‘pungsud’ ang ‘maayong pungsud’ , ang ‘langitnong pungsud’. Nasimpon sa Biblia ang laragway sang langit subung kag ang palaaboton nga langit.
Ginsaaran si Abraham sang palanublion. Ginhambal sa iya nga ang Iyang kaliwatan magapuyo sa duta nga nagailig ang ddugus kag gatas. Matuud yadto; amo ato ang napanubli sang mga Israelinhon paggowa nila gikan sa Egipto ang duta sang Canaan, apang si Abraham nagatan-aw sa mas malahalon pa nga palanublion sa kabuhi. Ang magpanubli sang bag-ong duta.
Isaias 65:17 “Pamati! Mahimo ako sang bag-o nga langit kag bag-o nga duta. Ang daan nga langit kag duta malimtan na.
Ang saad nga himoon ko ang tanan butang nga bag-o, wala maglimiti sa panahon sang bg-ong katipn lamang. Ang saad ginhatag sa katawhan sang Dios linibo na katuig ang nagligad. Kon ang amo nga katawhan magmatutum ang amo nga saad ila gid maangkon, apang bangud sa mga paglapas, dili sila nga mas-a makasulod sa kapahuwayan nga saad. Sa Isaias 65 nagsulat sang mga pagpakamaayo nga mabaton karon kag sang mga pagpakamaayo nga mabaton sa palaabuton. Apang amo nga mga saad kondisyonal kasubung man sang Iban pa nga mga saad sang Dios. Ang pagsunod sa Dios magadala sing kabuhi, kag ang maglalis magadala sa kamatayon. Isa sang kalipay sa bag-ong kabuhi amo nga ang tanan nga mga kapaitan kag kasubu mga kapaslawan malipatan na tanan.
Isaias 65:21 Sa sina nga tion magapatindog ang akon katawhan sang ila balay kag estaran nila ini. Magatanom sila sang mga ubas kag kaunon nila ang mga bunga sini. 22 Indi na ang ila mga kaaway ang makapulos sang ila mga balay kag mga tanom. Kay subong nga nagakabuhi sing malawig ang kahoy, magakabuhi man sing malawig ang akon katawhan, kag makapulos gid sila sa ila mga ginpangabudlayan. 23 Indi sila magpangabudlay sa wala sing pulos, ukon magbata sang mga bata nga dimalason sa ulihi. Kay sila nga katawhan kag ang ila mga kaliwat ginpakamaayo ko. 24 Sa wala pa sila makapangayo ukon samtang nagapangayo pa lang sila, sabton ko na sila. 25 Magakaon ang mabangis nga mga ido upod sa mga karnero. Ang mga leon magaharab sang dagami pareho sa mga baka. Kag ang mga man-og indi na magpangagat. Wala na sing may magpanghalit ukon magpangguba sa akon balaan nga bukid. Ako, ang Ginoo, ang nagasiling sini.”
Ang langit matuud nga duug sa diin kita makapangalipay sa paghimo sang mga butang. May kusug kag kalig-on sang pagkapamatan-on, magakalipay nga magapuyo sa pagpangabuhi. Kaangay sa aton karon nga yadtong nagatukod iban ang magpuyo pero didto sa bag-ong langit kag bag-ong duta, ikaw nga nagpatindug ikaw ang mgapuyo. Wala na sing usik ag tanan nga mga pagtrabaho. Ag kamatayon bug-os nga nawala bisan pa sa mgga kasapatan man. Ang tanan magapuyo nga may kalinong.
Bugna 21:4 4 Pahiran niya ang ila mga luha. Wala na sing kamatayon, kasubo, paghibi ukon kasakit tungod kay ang daan nga mga butang nakaligad na.”
Wala na sang paghibi pa, kay wala na sang kamatayon ukon kasakit. Ining kabuhi nga aton nahibaloan karon, bug-os na nga mawala.
Bugna 22: 4 Makita na nila ang iya hitsura, kag ang iya ngalan isulat sa ila agtang.
Isa sang pinakadaku nga kalipay sang Kristohanon karon amo nga makita niya nawong sa nawong ang mga kalag nga iyang ginpangabudlayan agud man makaagum sang kaluwsan. Ang makita ang aton mga hinigugma nga dugay na nga wala. Makita tungud sa kamatayon. Kag labi pa nga makita ta ang nawong ni Jesus.
Mateo 17:3-4 kag yari kron, nagpahayag sa ila sii Moises kag si Elias, nga nagapakighambal sa Iya. 4. Kag si Pedro nagsiling kay Jesus, “Ginoo, maayo nga magpabilinkita diri; kon buut ka, mabuhat ako diri sing tatlo ka payag, isa sa imo kag Isa ky Moises kag isa kay Elias.”
Sa bukid sang pagbalhin si Moses kag si Elias nagpakita kag nagpakig-sugilanon kay Jesus. Si Pedro kag Santiago kag si Juan nakilala nila ini bisan pa man nga wala nila sila makita sang una. Idalum sa konbiksyon sang Espiritu Santo sa walay duda napahayagan. Madamu ang mga angay tandaan nga magkalatabo sa adlaw sang pagkabanhaw. Matuud nga kita pamayohan, pero kaangay nga nakilala sang mga disipulo si Moses kag si Elias, sa amo man himoon kita sang dios nga makakilala sa aton mga hinigugma.
1 Corinto 13:12 Sa karon daw nagatulok kita sa espiho nga malubog; pero magaabot ang adlaw nga mangin klaro gid ang tanan. Karon limitado ang aton nahibaluan; pero magaabot ang adlaw nga mahibaluan ta ang tanan, pareho sang pagkahibalo sang Dios sa aton.
Wala ta pa mahangpan ang tanan nga daya nga naladlad sa atubangan ta. Sang si Pablo nagpamulong, nga nagaatulok kita sa hanap nga salaming, kaanggay sang ila espiho sadto anay, ang makita amo ang hanap nga Imahe. Kaangay man sina ang aton espirituhanon nga mga mata, kon ikompara sa palaabuton. Ang aton nahibaloan wala na sa katunga sang aton mahangpan kag mabal-an didto.
Juan 5:28-29 Indi kamo matingala sa sini nga mga butang, kay magaabot ang tion nga ang tanan nga patay makabati sang akon pulong, makabati sang akon pulong, 29 kag magaguwa sila sa ila lulubngan. Ang mga tawo nga naghimo sing maayo banhawon kag hatagan sing kabuhi nga wala sing katapusan, kag ang mga tawo nga naghimo sing malain banhawon man pero silutan.”
Ang langit magsugud sa tion nga ang mga matarung magkalabanhaw. Mabuhi na sila sing dayon. Wala nasing kamatayon, sa baylo magabaton sang kabuhing dayon.
Mateo 7:21 “Madamo nga mga tawo ang nagatawag sa akon nga, ‘Ginoo,’ pero wala nagakahulugan nga masakop sila sa paghari sang Dios. Ang mga tawo lamang nga nagatuman sang kabubut-on sang akon Amay sa langit amo ang masakop sa iya paghari.
Dili tanan nga naga-angkon nga kristohanon makasulud sa ginharian sang langit- gin-athag na ni Jesus. Yadtong makasulod lamang ang nagmatinumanon sa Kabubut-on sang Amay. Ang kaluwasan libre, indi ini mabakal, apang ang ebidensya sang matuud nga nakaangkon amo nga matinumanon sa kasugoan sang Dios. Yadtong nagaangkon nga nagatoo apang wala nagatuman, nagapakita lamang ini nga dili matuud ang amo nga pangangkon.
Bugna 22:14-15 “Bulahan ang mga nagatinlo sang ila mga bayo tungod kay tugutan sila nga magsulod sa mga puwertahan sang siyudad kag magkaon sang bunga sang kahoy nga nagahatag sang kabuhi.15 Pero mabilin sa guwa ang mga malain nga mga tawo: ang mga manugbabaylan, ang mga nagahimo sang imoral nga pagpakigrelasyon, ang mga manugpatay, ang mga nagasimba sa mga dios-dios, kag ang tanan nga butigon.
Ang moderno ngahubad sini amo nga “bulahan yadtong nakapanglaba sang iyang malaba nga bisti” kag iban pa. Ang amo man sa gihapon, ang pagpanglaba sang bisti amo ang pag-untat sa pagpakasala.
Bugna 22:17 Nagasiling ang Espiritu Santo kag ang babayi nga kalaslon, “Dali!” Kag ang tanan nga nagapalamati magsiling man, “Dali!” Ang bisan sin-o nga ginauhaw kag gusto mag-inom magpalapit kag magbaton sang tubig nga nagahatag sang kabuhi. Ini wala sing bayad.
Ang Inbitasyon tama ka alwan kag para sa tanan. Ang ‘bisan sin-o’ nagkahulugan nga tanan. Gusto sang Dios nga ipaambit sa aton ang kalipay nga magpuyo sa puloy-anan nga dayon. Ang Iya handum para sa tanan nga batonon si Jesus agud nga makasulud, apang yadto lang nagbaton kay Jesus kag nagmasinulundon sa Iya ang makasulud sa mahimayaong duug. Gusto kaayo sang Dios nga mangn didto ka, pilion mo bala nga magsunod sa Iya?
Review Sheet— Langit
Assignment: palihug tun-i anay ang Bible study guide sa dili pa ini sabton.
1. Ano nga langit ang ginhinambit sang 2 Corinto 12:2?
2. Ano ang tatlo ka langit?
1. ______________________ 2. _____________________ 3._________________
3. Ano ang padya nga gin-andam para sa matumtum nga Kristohanon? Juan 14:1-3
4. Sarang ta bal makad-ot sa aton paghangup Ining himaya sang dutang dayon? 1 Corinto 2:9
yes_________ no _______
5. Ano ang ngalan sang bag-ong syudad nga manaug gikan sa langit? bugna 21:10
6. Sa diin magapuyo ang katawhan sang Dios sing dayon? Bugna 21:1-3, Mateo 5:5
7. Ano nga trabaho ang buhaton sang mga linuwas sa bag-ong langit kag duta? Isaias 65:21-25
8. Ano ang apat ka mga pagtilaw nga madula sa bag-ong langit kag bag-ong duta? Bugna 21:4
1. ___________ 2. _____________ 3. _______________4. ___________________
9. San-o magsugud ang langitnon nga pagkabuhi? Juan 5:28-29
10. Sin-o ang makabaton sang kabuhing dayon? Mateo 7:21
11. Sin-o ang may kinamatarung sa kahoy sang kabuhi? Bugna 22:14-15
12. Ano nga inbitasyon ang ginhatag sa katawhan? Bugna 22:17.
Handum mo man bala nga magkabuhi sa walay katapusan nga ginhari-an sang Dios?______
