17 - Ika-duhang Pagbalik Ni Jesus
From this English study: https://maranathamedia.com/download/view/17-the-second-coming-of-christ
Use with this chart: https://maranathamedia.com/download/view/35-when-jesus-becomes-king
Download Illongo .word file:
https://maranathamedia-philippines.com/file_proxy/volume_ams3_01/maranathamedia-philippines.com/downloads/studies/Lesson17.docx
Sugud nga si Jesus nagkayab pa langit matapus ang Iyang kamatayon kag pagkabanhaw; ang Iyang mga sumulunod nagapaabot gid sa iyang saad nga magbalik. Ang ika-duhang pagbalik nahinambit sa bag-ong katipan sing masubra 300 ka beses. Ini nagapakita sang handum nga mag-abot na ang mahimayaon nga pagbalik. Samtang nga ginapainoinohan ang Ining suheto, makita nga ang Ikaduhang pagbalik ni Jesus amo ang bulahan nga paglaum sang mga tumuloo bilang panugud sang maaayo kag bag-ong pagkabuhi. Yanang adlaw amo ang adlaw sang bug-os nga kadaugan. Buot silingon katapusan na sang sining presente nga kahimtangan sang kalibutan kag ang amo nga panugud wala na sing katapusan pa.
Hebreo 9:28 Subung man si Kristo, nga halad sing makaisa sa pagdala sang mga sala sang madamu, magapahayag sa ikaduha, nga walay kalabtanan sa sala kondi sa pagluwas sang mga nagahulat sing makugihon sa Iya.
Yari ang saad sang Ikaduhang pagbalik, ang katapusan sang gahum sang sala kag ang madugay na nga ginapaabut nga kaluwasan.
Juan 14:1-3 Dili malisang ang inyo mga tagipusoon, magtoo kamu sa Dios magtoo man kamu sa akon. 2. Sa balay sang akon Amay may madamung hulut; kon wala, makasugid bala ako sa inyo nga magakadto ako saaa pag-aman sing duug?3. Kag kon ako makakadto kag makaaman sa inyo sing duug, magabalik ako kag dalhon ko kamu kaupud nakon, agud nga kon diin ako didto man kamu.
Si Jesus mismo nagsiling, “magabalik ako liwat”. Ang tawo masami kon magsaad sa katuyoan nga tumanon ini, apang kon ka isa ang mga sirkumstansya nagaupang sa paghimo. Apang yari si Jesus, nagsaad nga — magabalik liwat— kag Ini sigurado, kamatuuran nga kasaliagn, magaabot ang adlaw nga Siya magabalik liwat.
Judas 14-15 Nahanungud sini sa Ila man si Enoc sa Ikapito nga kaliwatan kutub kay Adam nagtagna, nga nagasiling, “yari karon, nag-abut ang Ginoo upud ang linaksa sang iya mga balaan, sa paghukom sa tanan, kag sa silot sang tanan nga didosnon nahanungud sang tanan nila nga binuhatan sang pagkadidiosnon nga ginhimo nila sing didiosnon, kag sang tanan nga butang nga matig-a nga ginhambal batok sa Iya sang mga makasasala nga didiosnon.
Bisan si Enoc nga sa ikapito nga kaliwaan halin kay Adam naghinambit sa among panghitabo.
Lukas 24:39 tan-awa ang akon mga kamut kg ang akon mga tiil, nga ako gid ini; hikapa ninyo ako, kag tan-awa; kay ang Espiritu walay unud kag mga tul-an subung nga gintan-aw ninyo nga Ako may Akon.
Diri nagpakita si Jesus sa iyang mga disipulo matapus ang pagkabanhaw, indi sa porma sang espiritu, kundi subung nga may unud kag tul-an— ang amo sa gihapon nga Jesus. Kon magabalik bala siya sunu sa Espiritu ukon sa amo nga dagway lang gihapon?
Binuhatan 1:9-11 Kag sang nakasiling sia sini, sa nagatulok sila, ginbayaw sia, kag ang panganud nagbaton sa Iya gikan sa ila itulolok. 10. Kag sang nagatulok sila sa langit sang nagpaibabaw sia, yari karon may duha ka tawo nga napanaptan sing maputi nga nagatindug sa luyo nila kag nagsiling, “Mga tawo sa Galilea, ngaa bala nagatindug kamo nga nagatolok sa langit? Ining Jesus , nga ginbayaw pa langit gikan sa inyo, magabalik sa amo nga bagay subong nga nakita ninyo sia nga nagapalangit.”
Ini ang rekord sang pagkayab ni Jesus. Ang mga disipulo nagatangla sa langit kag ang duha ka tawo sa ila likuran nga nakaputi, nagsiling nga ang “Amo nga Jesus” magabalik liwat sa kasubong nga dagway; magabalik nga ang tanan makakita.
Mateo 24:30 Niyan magapahayag ang tanda sang Anak sang tawo sa langit, kag niyan magakasubo ang tanan nga kabikahan sa duta, kag makita nila nga nagakari ang Anak sang tawo sa ibabaw sang mga pananganud sa langit nga may gahum kag daku nga himaya.
Si Jesus mismo magabalik nga makita sang tanan; ang mga matarung kag sang mga malauton man.
Bugna 1:7 Yari karon nagakari Sia kaupod sang mga panganud, kag ang tagsa ka mata makakita sa iya, ang mga naghandus sa Iya, kag ang tanan nga kabikahan sang duta magahaya bangud sa Iya. Hoo. Kabay pa.
Walay bisan Isa nga makaabsent sa amo nga talan-awon. Mahimayaon nga hitabo Ini.
Mateo 25:31 “kon magkari ang Ank sang tawo sa Iya himaya, kag ang tanan nga manugtunda kaupod Niya, Niyan magalingkod Sia sa Iya mahimayaon nga trono.
Pat-ud gid nga mahimaayon yadto— si Jesus sa bug-os niyang himaya, nga nalibutan sang tanan nga manugtunda nga mga balaan. Magaabot sa nga angayan sa iyang Harianong trono.
Mateo 16:27 Kay ang Anak sang tawo magakari sa himaya sang Iya Amay upod sang Iya mga manugtunda, kag ugaling magatumbas sia sa kada tawo sono sa iya binuhatan.
Isa sang rason sa pagbaalik ni Jesus amo ang paghatag sang padya sa kada tawo suno sa Iyang hinimoan.
1 Tesalonica 4:16-17 Kay ang Ginoo gid magakunsad gikan sa langit nga may singgit sang pagmando, sa tingug sang puno nga manugtunda kag sa budyong sang Dios. Kag ang mga napatay kay Kristo mabanhaw sing una; Niyan kita nga mga buhi nga nabilin, sagmiton sing tingub upod sa ila paibabaw sa mga panganud sa pagsugata sa Ginoo sa kahawaan; kag niyan mangin kaupod kita sang dalayon sa Ginoo.
Yari ang padya sa mga matutum— kabuhing dayon— kaupod sa Ginoo sa walay katapusan. Talupangda nga ang amo nga panghitabo magahud: may singgit, sa tingug sang arcangel kag sang trumpeta sang Dios. Wala tinago sa ikaduhang pagbalik ni Jesus. Tanan mata makakita kag tanan nga dulunggan makabati.
Ang makatilingala nga panghitabo magakatabo sa pagbalik ni Jesus. Ang mga patay magabangon, madamu ang mga nagkalamatay sa malawig na nga panahon apang magabangon sa pagkabuhi. Ang mga matarung mabanhaw sa kabuhing dayon. Apang ang mga nasapwan nga buhi sa pagbalik ni Jesus pagasagmiton sa kahawaan upod sa Ginoo sa walay katapusan.
Yari pa, sa pagbalik ni Jesus, indi Sia magatandug sa duta. Ang mga matarung kagg linuwas magasugata sa Iya sa kahawaan.
1Cor. 15:51-54 Yari karon! Nagasugid ako sa Inyo sing tinago. Indi kita tanan magakatulog, kondi kita tanan pamaylohan, sa isa ka tion, sa isa ka pagpamisok, sa katapusan sang budyong. Kay magatonog ang budyong kag ang mga patay banhawon nga dimadinolonton, kag pamaylohan kita. Kay ining madinulonton kinahanglan magsuklub sang pagkadimadinulonton, kag ining mamalatyon kinahanglan magsuklub sang di mamalatyon. Kon magsuklub ining madinulonton sang pagkadimadinulonton kag ang mamalatyon magsuklub sang pagkadimamalatyon, niyan matuman ang pulong nga nasulat na, “Ang kamatayon ginlamon sa pagdaug”.
Ang matarung nga mga lawas dili na madunot pareho sang lawas nga nauna nga gindala sa lulubngan. Sa baylo sa Isa ka pagpamisok ang tanan pamaylohan. Dili na maunot nga lawas. Ang Dios naghatag sing padya nga pagkawalay kamatayon kay ang kamatayon bug-os na nawala.
Bugna 6:15-17 Niyan ang mga hari sang duta kag ang mga kadalagkuan kag ang mga heneral kag ang mga manggaranon kag ang mga makusog, kag ang tagsa ka ulipon kag hinilway nagpanago sa mga lungib kag sang mga Igang sang kabukiran, nga nagasiling sa mga bukid kag mga igaang, “tiphag kamu sa amon kag tagoa kami sa nawung sang nagalingkod sa trono, kag sa kasingkal sang Cordero; kay nag-abot ang dakung adlaw sang ila kasingkal, kag sin-o bala ang sarang makabatas sini?”
Para sa mga wala nakaandam sa sini nga panghitabo, makahadluk ini. Indi gid sila malipay sa prisensya sang Ginoo. Mas pilion nila ang kamatayon kay sa makaupod ang manluluwas nga Ilang ginsikway.
Isaias 26:19 Ang Imo mga patay patay magakabuhi, ang akon mga bangkay magabangon. Pagmata kag mag-amba, kamu nga nagapuyo sa yab-ok! Kay ang imo tun-og kaangay sang ton-og sang mga gamhon, kag ang mga duta magaluad sang mga patay.
Isaias 25:9 Kag Isiling sa sadtong adlaw, “yari karon, Ini amo ang aton Dios; naghulat kita sa iya, kag sia magaluwas sa aton. Ini amo ang Ginoo, naghulat kita sa Iya; magkalipay kita kag magkasadya sa iya kaluwasan”.
Suli sang sa mga malauton, ang mga matarung magakalipay sa pagpahayag sang Ginoo. Nagahulat sila nga may kalangkag kag bulahan nga paglaum.
Tito 2:13 Nga nagahulat sang bulahan naton nga paglaum, ang pagpahayag sang himaya ni Jesu-Cristo nga aton daku nga Dios kag manluluwas
Kon wala Ining ikaduhang pagbalik, wala kita sing paglaum, bangud nga amo Ini ang ginapaabut sa katuig. Ini amo ang pagkaliso sang tanan. Ini amo ang tanda sang katapusang sang kamatayon kag sang tanan nga problema sa sining kabuhi. Panugud nga bag-o ang katumanan sang mga paglaum kag pangamuyo. Amo ini ang panugud nga aton tinguhaon. Indi katingalahan nga si Juan rebelador nagsiling:
Bugna 22:20 Ang nagapamaatuud sining mga butang nagasiling, “sa pagkamatuud nagakari ako sing madali.” Kabay pa. Kari, Ginoong Jesus!
Abyan: May yara duha ka grupo sa sinang dakung adlaw— ang matarung kag ang malauton— ang liuwas kag ang wala naluwas. Sa diin ka nga grupo gusto mag-upod? Pilaa si Jesus bilang imo personal nga manluluwas kag Imong giya karon, kag magpangandam sa iyang nahilapit nga pagbalik.
Review sheet— Ang ikaduhang pagblik ni Kristo
1. Ano ang ginsaad ni Jesus nahanungud sa iyang pagbalik Juan 14:3. _______ _____ kag dalhon ko kamu.
2. Sin o ang una nga nakasugid nahanungud sa pagbalik ni Jesus nga nagsiling: “yari karon, nag-abut ang Ginoo upud ang linaksa sang iya mga balaan”? Judas 14_______
3. Kon si Jesus magbalik, ang iyang pagbalik mangin kaangid sa iyang pagkayab. Paano ginlaragway sang Binuhatan 1:11? …ining_____, nga ______ ___ ______ gikan sa inyo, ________ sa amo nga ______ ______ nga _______ ninyo sia palangit.
4. Daw ano ka damuang makakita kon Sia magbalik? Bugna 1:7
5. Sin-o ang mga kauod ni Jesus kon Sia magbalik? Mateo 25:31
6. Ano ang isa sang iyang tuyo nga mabalik Sia? Mateo 16:27
7. Kon si Jesus magbalik, ano ang matabu sa:
- Matarung nga nagkalamatay?
- Matarung nga mga buhi? 1 Tesalonica 4:16-17. Kag ang mga _______ ____ _______ _______ sing una; niyan kita nga ______ nga ______ ______sing _________ upod sa ila paibabaw
8. Ang mga linuwas sa pagbalik ni Kristo ano ang ilang isuklub? 1 Corinto 15:53
- __________
- ___________
9. Ano ang isingit sang mga malauton kon si Jesus magbalik? Bugna 6:16
10. Kabaliskaran sa mga malauton, ano ang Isingit sang mga matarung sa pagbalik ni Jesus? Isaias 25:9
11. Para sa mga lunuwas ano ang laragway sang pagbalik ni Jesus? Titus 2:13
12. Ano ang pangamuyo sang mga matuud nga Kristohanon? Bugna 22:20
Handum mo bala nga manginhanda sa pagbalik ni Jesus?_______
