Ano ang ibig sabihin ni hesus nang Kanyang sabihin:

Mula sa mga araw ni Juan na Tagapagbautismo hanggang ngayon, ang kaharian ng langit ay dumaranas ng karahasan, at ito ay inaagaw ng mga mararahas. Sapagkat ang lahat ng mga propeta at ang Kautusan ay nagpahayag ng propesiya hanggang kay Juan. At kung handa ninyong tanggapin ito, siya ang Elias na nakatakdang dumating. Mateo 11:12–14

May ilan na nakaunawa nito bilang pahayag tungkol sa tindi ng pagsisikap ng bayan ng Diyos sa pagpasok sa kaharian ng Diyos. Ngunit sa liwanag ng karakter ng Diyos, nauunawaan natin na ang mga anak ng Diyos ay hindi gumagamit ng puwersa o karahasan.

Si Juan na Tagapagbautismo ang pinakadakila sa mga propeta, ngunit hindi pa rin niya ganap na naunawaan ang karakter ng Diyos gaya ng inihayag ni Hesus sa talatang ito:

Katotohanang sinasabi Ko sa inyo, sa lahat ng ipinanganak ng mga babae ay wala pang lumitaw na mas dakila kaysa kay Juan na Tagapagbautismo; ngunit ang pinakamababa sa kaharian ng langit ay mas dakila kaysa sa kanya. Mateo 11:11

Ipinahayag ni Hesus na si Juan ay hindi pa kabilang sa kaharian sa puntong ito, at ito ang dahilan ng kanyang pag-aalinlangan kung si Kristo nga ba ang Mesiyas. Bilang resulta, ang kaharian ng langit na itinuro ni Juan at ng lahat ng mga propeta ay nahaluan ng diwang karahasan, na ang ibig sabihin ay lilipulin ng Diyos ang Kanyang mga kaaway. Kaya’t ang kaharian ng Diyos ay napasailalim sa katuruan at gawi ng karahasan. Ngunit sa paghahayag ni Kristo, ang karahasang ito ay hindi na kailangang magpatuloy.