Unsa ang buot ipasabot ni Hesus sa dihang Siya miingon:

Ug gikan sa mga adlaw ni Juan Bautista hangtod karon, ang gingharian sa langit nagaantos sa kapintasan, ug ang mga mapintas mao ang modawat niini pinaagi sa kusog. Kay ang tanang mga propeta ug ang balaod nagpropesiya hangtod kang Juan. Ug kon andam kamo sa pagdawat niini, siya mao si Elias nga umaabot pa. Mateo 11:12–14

Ang uban nagtan-aw niini isip usa ka pahayag sa kakusog ug kadasig sa pagsulod sa katawhan sa Dios ngadto sa gingharian sa Dios. Apan sa kahayag sa kinaiya sa Dios, atong masabtan nga ang mga anak sa Dios dili nagagamit ug kusog o kapintasan.

Si Juan Bautista mao ang labing bantugan sa mga propeta, apan wala gihapon siya hingpit nga nakasabot sa kinaiya sa Dios sumala sa gipadayag ni Hesus niini nga bersikulo:

Sa pagkatinuod, sultihan ko kamo, sa taliwala sa mga natawo sa mga babaye, wala pay mitungha nga labaw pa kang Juan Bautista; apan ang labing ubos sa gingharian sa langit labaw pa kaniya. Mateo 11:11

Gipasabot ni Hesus nga si Juan wala pa nanaa sa gingharian niining panahona, ug mao kini ang hinungdan sa iyang mga pagduha-duha kon si Kristo ba gyud ang Mesiyas. Ingon usa ka resulta, ang gingharian sa langit nga gitudlo ni Juan ug sa tanang mga propeta nalambigit sa kapintasan, nga nagpasabot nga ang Dios magalaglag sa Iyang mga kaaway. Busa, ang gingharian sa Dios nahimong ilalom sa mga pagtulon-an ug praktis sa kapintasan. Apan sa pagpahayag ni Kristo, kini nga kapintasan dili na kinahanglan magpadayon.