16-ANG 2300 KA ADLAW NGA TAGNA

From this English study: https://maranathamedia.com/download/view/16-the-2300-day-prophecy

Download Illongo .word file: 
https://maranathamedia-philippines.com/file_proxy/volume_ams3_01/maranathamedia-philippines.com/downloads/studies/Lesson16.docx

Ang natuman nga mga tagna amo ang indi mabakwi nga hangkat sa mgadili matinuohon. Sa sini nga leksyon aton tun-an ang unique nga tion sa propisya, nasulat subra 500 katuig sa wala pa si Jesus natawo, sa diin ginsugid na daan ang tion sa iyang pagkatawo, pagbautiso, tion sa kamatayon kag ang tion nga iwali ang maayong balita  sa mga Gentil. Ini ginatawag nga “the keystone of Old testament Prophecy”, bangud naplastar sini ang mga tagna sa nagakago nga duug. Madamu ang sulod sa Biblia nga makatilingala apang ini amo ang labing daku.

Mateo 24:15    “busa kon makita ninyo ang makamulusmus nga tampalas nga ginpamolong ni Daniel nga manalagna, nga nagatindug sa duug nga balaan (ang nagabasa maghangup)

May pagsalig s Jesus sa. Propisiya ni Daniel. Yari ang teksto nga iyang ginatumud sa isa sang tagnaanon ni Daniel. Bangud nga ang Ginoo mismo ang nag-indorso kay Daniel kag sa iyang mga tagnaanon, bisan kita karon makasalig man kag magtoon sini kay ini gikan sa Dios.

Daniel 8:12-14 kag ang kasoldadosan gintugyan sa iya pati ang halad nga sinunog nga dalayon tungod sa paglalis, kag ginhaboy niya sa duta ang kamatuoran, kag ang sungay naghimo sang Iya luyag kag nag-uswag. 13. Niyan nabatian ko ang Isa kabalaan nga nagapamolong; kag ang Isa pa ka balaan nagsiling sa sadtong Isa nga nagpamolong , “ tubtub pa bala san-o ang palanan-awon nahanungud sa dalayon nga halad-nga-sinunuog, ang paglalis nga gapamingaw, sa paghatag sa santuario kag sang kasoldadosan nga tapakon?14. Kag Sia nagsiling sa akon,tubtub sa duha kalibo kag tatlo ka gatus ka kahapunon kag kaagahon; ugaling ang santuario matinloan.

Sa Daniel 8 isa ka interesante nga panagnaanon nga naglangkub sa mga pagbangon kag pagkapukan sang mga dutan-on nga mga panggumalahum. Ini ginlaragway sa labing maayo nga ditalyi sa kapitolo 2 kag 7. Sa sining mga kapitolo ginpaathag ang gahum sang gamay nga sungay nga labi nga nag-uswag kag nagpamigus sang mga katawhan sang Dios. Ini labi nga ipaathag sa lain nga topiko sang pagtoon.

Ang pamangkot amo nga, “ tubtub san-o” ining pagpamigus magaluntad? Tubtub san-o nga ang santurio pagalimpyuhan kag ang mga kasoldadosan sini pagatapakon? Kag ang sabat maathag— 2300 ka mga adlaw—nyan ang santuario pagatinloan. Ang pulong “tinloan” amo ang “pagpakamatarung,” nagaindikar sang paghukom.

Daniel 8:16,17 kag nabatian ko ang tingug sang tawo sa tunga sang mga pangpang sang Ulai, nga nagtawag, “Gabriel, pahangpa ining tawo sang palanan-awon. “ 17. Gani agpalapit siya sa gintindugan ko, kag sang nag-bot sianakibot ako kag naghapa ako. Apang sia nagsiling sa akon, “hangpa, O anak sang taawo, kay ang palanan-awon naigo sa tion sang katapusan.”

Ang angel nga si Gabriel ginpadala agud magpatpat kay Daniel sang palanan-awon kag ang patpat sini nagalambut hasta sa aton panag-on karon kag tubtub sa katapusan sang kapanahonan.

Daniel 8:26-27 kag ang mga palanan-awon sang kagab-ihon kag kaagahon nga ginsugid matuud; apang takpan mo ang palan-awon, kay naigo Ini sa madamung adlaw nga palaabuton.” 27. Kag ako, nga si Daniel, napunaw kag nagbalati-an sing pila kaadlaw; niyan nagtindug ako kag naghimo sang hilikuton sang hari; apang natingala ako sa palanan-awon kag walay nakahangup sini.

Si Gabriel wala nakapadayon sa pagpatpat sang palanan-awon kay si Daniel nagmasakit. Ang tanan nga tagna nga nauna, napatpat na sa Iya  apang ining 2300 ka mga adlaw amo ang nabilin nga wala pa napatpat.

Daniel 9:21-23 samtang nagapamolong ako sa pangamuyo, , ang lalaki nga si Gabriel nga nakita ko sa palanan-awon sa pamuno, nag-abot sa akon sa paglupad sing madasig sa tion sang halad sang kahaponon. 22. Gintudloan niya ako kag naghambal sa akon, “ O Daniel, nagakari ako karon sa paghatag sa Imo sing kaalam kag paghangup. 23. Sa pmuno sang Imo pangabay ang sogo naggwa, kag nagkari ako sa pagsugid sa Imo, kay ikaw ginapakamahal sing daku; busa patugsilingi ang butang kag hangpa ang palanan-awon.

Si Daniel padayon nga nagapangamuyo kag bilang sabat; ginpadala si Gabrielagud sa pagpahangup sa iya sang palanan-awon. Si Gabriel nagsiling, “talupangda ang palanan-awon”. Diin dampi sato? Ang isa nga wala napatpat; ang 2300 ka mga adlaw nga palanan-awon. Karon ginpadayon ni Gabriel ang pagpaathag.

Daniel 9:24    “ginpatud ang kapitoan ka semana sa imo katawhan kag sa imo balaan nga banwa, sa pagtapus sang paglalis, sa pagpauntat sang sala kag sa pagpasag-uli tungod sang kalautan, kag sa pagpasulud sang pagkamatarung nga dayon, sa pagpat-in sang palanan-awon kag sa tagna, kag sa paghaplas sang labi gid kabalaan ng duug.

Ang 70 ka semana sang yara sa 2300 ka mga adlaw nagahin para sa katawhan ni Daniel— ang mga Judeo. Ang Dios naghatag sa ila sang 70 ka seman agud nga maghinulsul kag magpakita sang Ilang pagkatutum.

Ezekiel 4:6    kag liwat kon matuman mo ini sila, maghigda ka sa imo kilid nga too, kag dalhon ang kalautan sang panimalay sang Juda; kap-atan ka adlaw gintangdo ko sa Imo, ang tagsa ka adlaw sa isa ka tuig.

Sa sini nga propisiya mahitungud sa Israel, ang Dios naggamit sang isa ka adlaw bilang nagrepresentar sang isa ka tuig.  Nuemeros 14:34 naggamit man sing subung nga prinsipyo.  Ang adlaw para sa Isa ka tuig nga prinsipyo amo man ang i aplay sa propisiya sang Daniel. Walay duhaduha nga makita ta ang pagkasibo sang Iyang mga katuamanan. Busa ang 2300 ka adlaw= 2300 k tuig, kag ang 70 ka simana= 490 katuig—ang 490 k tuig amoang nahauna nga bahin sang 2300 ka mga tuig.

SAN-O INING DAKUNG TION SANG PROPISIYA MAGSUGOD?

Daniel 9:25    Busa kilalaha kag talupangda, nga kutub sa pagpagowa sang sogo sa pagpahauli kag sa pagpatindug sang Jerusaem tubtub sa pagkari sang hinaplas, ang principe, manginpito ka semana. Niyan sa kan-uman kag duha ka semana patindugon Ini liwat ng may dalan kag kalog, apang sa magamo nga tion.

Ang propisiya nagsugud sang ang mando ginpasa nga liwat itukod ang Jerusalem. Ini ginmando ni Haring Artaxerxes, ang hari sang Persia sa tuig 457 B.C. Amo ang napalig-on nga pitsa suno sa Istorya.

Ang 7 ka semana kag ang 62 ka semana naga-suma-total sing 483 ka mga adlaw okon 483 ka mga tuig sa propisiya. Ini nagkahulugan nga ang pag-isip halin sa 483 katuig magalambut kita sa 27A.D. Sa panahon sang misias nga si Jesus.

SI JESUS NAHIMO BALA NGA MISIAS SA SINA NGA TUIG?

MATEO 3:15,16  Apang si Jesus nagsabat sa Iya, ‘pabayai ini karon; kay amo Ini ang nagakaigo sa aton sa pagtuman sang bug-os nga pagkamatarung.” Niyan nagsugot siya. 16. Kag sang nabautisohan na si Jesus, sa gilayon nagtakas siya sa tubig, kag yari karon, nabuksan sa iya ang mga langit kag iya nakita ang Espiritu sang Dios nga nagapanaug subung sang salampati, kag nagakunsad sa Ibabaw niya.

Sa bautiso ni Jesus, ginkunsaran siya sang balan nga Esoiritu. Siya amo ang tinangdo nga misisas. Ini nagsugod sa pagkahalanabu sa tuig A.D. 27 bilang panugod sang iyang pagministerio suno gidsa propisiya. Ini nga pagpakot natabo 500 katuig sa wala pa Ini natuman kag natabu ini nga sibu.

Daniel 9:26,27 kag sa tapus sang kan-uman kag duha ka semana, utdon ang hinaplas, kag mawad-an sia; kag ang katawhhan sang principe nga maga-abut magalaglag sang banwa kag sang santuario. Ang katapusan sini may baha, kag tubtub sa katapusan may Inaway; ang mga kamingaw natapat. 27. Kag magahimo siya sang malig-on nga katipanupod sa madamu sa isa ka semana; kag sa tunga sa semana pauntaton niya ang halad kag ang halad nga kalan-on; kag sa pakpak sang kangil-aran magaabot ang isa nga magahimo sing kamingaw, tubtub ang natapat nga katapusan Iula sa nagapamingaw.

Sa tapus sang A.D. 27 si Jesus paga-utdon okon patyon. Ang propisiya  sang 490 ka tuig gin-isip kag sa tapus sang 483 ka mga tuig may Isa ka semana pa nga nabilin. Sa sining ulihi nga semana ginhatagan sila sang higayon nga maghinulsul kag magbalaan sang Ila kaugalingon sa Dios.  Apang, aton matalupangdan nga ang misias pagautdon kag ina sa 3 ka tuig kag tunga, halin sa 27 A.D. pakadto sa 31 A.D.— ang tuig nga si Jesus ginlansang man sa krus. Ang propisiya natuman sing sibu  si Daniel nagtagna sa sini nga verse nga pauntaton ni Jesus ang mga halad. Ini Iya nahimo sang ginlansang Siya sa krus bilang katumanan sang labing daku kag hamiling halad para sa mga sala.

Mateo 27:50-51 kag si Jesus nagsingit liwat  sa mabaskug nga tingugkag nagtugyan sang iya nga Espiritu. 51. Kag yari karon, ang kumbung sa templo napihak, kutub sa ibabaw tubtub sa idalum; kag ang duta nagtay-ug kag naglitik ang mga igang.

Wala na ginakinahanglan ang halad  nga sakripisyo. Ang ISA ka labing daku nga halad, si Jesus, nga amo ang ginatumud sang tanan nga mga halad kag sakripisyo nag-abot na. Busa ginpauntat na ini tungud kay Sia amoang katumanan sang amo nga mga halad.

Binuhatan 7:58-60;8:1    Niyan ginsobol nila sia sa banwa kag ginbato sia; kag ginbutang sang mga saksi ang Ila mga panapton sa tiilan sang pamatan-on nga ginhinganlan Saulo. 59. Kag sang ginbato nila si Esteban, nagpangamuyo sia, “Ginoong Jesus, batona ang akon Espiritu. “60. Kag nagluhod sia kag nagsinggit sa mabaskug nga tingug, “Ginoo, dili sila pagpasangti sining sala.” Kag sang nakasiling sia sini, natologan sia. 8:1 kag si Saulo nagpahanugot sa Iya kamatayon. Kag sa sadtong adlaw nag-abot ang dakung paghingabot sa iglesia nga didto sa Jerusalem; kag sila tanan nag-aplaag sa bug-os nga ginsakpan sang Judea kag Samaria, luwas ang mga pinadala.

Ang kamatayon ni Esteban. May madalum nga signipikanti ang naka-angot sa pagbato kay Esteban sang sa kaswal nga bumalasa. Nagdugang ini sa daan nga mga pagsikway sang maayong balita nga ang may kahimoan sang mga Judeohanong  mga  pangulo sa Jerusalem. (Binuhatan 7:51-54). Nagsubang ang bag-ong panag-on sa paglapnag sang maayong balita. Ang sadto anay nga mga pagpangabudlay nga para lamang sa Israel karon nauntat. Ang Kristohanong pagpanaksihon naglapnag sa bisan diin bangud sa malapuyot nga pagpangpigus sa mga tomoloo, bangud sini, ang maayong balita napaalinton sa mga Gentil man. Mga Samarianhon, kag ang etiopianhon nga eunoko amo ang mga nahaunang bunga nga dili mga Judeo. (Binuhatan 8:1,4,5,27,29).

Ang masunod nga mga polong nagikan kay Sir Robert Anderson nga na bug-os ang ka signipikanti sang kamatayon ni Esteban: “Bisan pa man nga ang publiko nga panghitabo tanda sang katausan kag kalaglagan sang Jerusalem (nga natabu pagligad sang subra 30 pa katuig sa  tuig 70 A.D.) ginpalantang, ang kamatayon ni Esteban amo ang nagpakita nga may yara natagoan nga krisis sa palaabuton sang Israel. Wala na sing mirakulo pa nga nasaksihan sa Jerusalem. Ginbawi na ang pinasahi nga proklamasyon sng pentecostes. Ang ang Pentecostal nga Iglisia naglapta. Ang mga pinadala sa mga Gentil naglakat nga nakabaton sing pagmando nga may gahum nga malig-on batok sa dayag nga mga pagsikway sang katawhan nga pinaboran sang Dios. (The Slence of God, pg. 82-83).

Sa sini nasulod ang Daniel 9:26 nga mabasa, “ kag ang mga Judeo, indi na Iyang katawhan”.  Matapus ang kamatayon ni Jesus sa krus, sing maloloy-on ang Dios naghatag sa ila sing 3 1/2 ka tuig agud nga maghinulsul apang wala nila ina nabuhat. Sang si Esteban ginbato sa tuig 34 A.D. ang mg Judeo ginpauntat bilang pungsud sang Dios. Bisan pa man nga amo na sina, may yara pa pipila ka mga Judeo  nga sa gihapon, nagpabilin sa panimalay sang Dios; yadtong mga nagsabat sa Iyang mga pagpanghikot.

Roma 5:8       Apang ang Dios nagapakilala sang Iya kaugalingon nga gugma sa aton nga sang mga makasasala pa kita si Kristo napatay tungod sa aton.

Ini amo ang pinakaimportanti nga bahin sang propisiya. Si Jesus-Cristo ang aton manugdala sang aton mga sala.  Ang kabug-aton sang aton mga saa natungtung sa Iya kag napatay Sia tungud sina. Ina tanan ginplano. Ginpili niya nga mapatay para sa tanan. Ang Iyang kamatayon ginkinahanglan agu nga kita may kabuhing walay katapusan. Ang iyang daku nga pagkadismaya amo nga “ang Iyang kaugalingon wala magbaton sa Iya.”

Aton nga natun-an ang 490 ka tuig sa propisiya sang 2300 ka tuig. Ina nagkahulugan nga may yara pa nga nabilin nga 1810 ka mga tuig. Kon idugang Ining 1810 didto sa 490 magalambot Ini sa tuig nga matu-on sa A.D. 1844. Halin sa sini nga ti-on magapaabot kita bilang basihan sini nga propisiya, makita naton ang mga pangkalibutanong mga panghitabo nga amo ang maga- anunsyar sang tion sang paghukom sang Dios. Sa tuig 1844 ang Dios nagsugod sa paghimo sa Iyang duha ka programa, ang Isa sa langit samtang ang isa sa duta.  Ang kamatuuran ginbalik sa tapus sang tuig 1844 sa duta— palangit. “Ang paglimpyo sang santuario”. Ang katapusan nga hilikoton ni Jesus bilang manugpatunga sa madali ini magatapus. Sa sunod naton nga pagtuon aton tun-an ang detalyi sang mga panghitabo sa langit sa tuig 1844. Kay sa indi madugay ang paghukommatapus kag ang sala matapus sing dayon.

Review Sheet—Ang tagna nga 2300 ka mga Adlaw

1. Gikutlo bala ni Jesus ang sinulat ni Daniel bilang kasaligan nga manalagna? Mateo 24:15.

2. Daw ano ka lawig ining palanan-awon sang santuario nga pagalimpyuhan? Daniel 8:14

3. Ang panan-awon bala ginhatag agud mahibaloan kag mahangpan ang kahulugan kag ang iyang katumanan?  Daniel 8:16-17

4. Nagkasakit si Daniel kabangdanan nga wala sia mapathagan sang kahulugan sini, ang pamangkot nabaton niya bala ang paathag sadto? Aniel 9:21-23

5. Ano ang una nga bahin sang tagna 2300 ka adlaw kag ano ka lawig ini? Daniel 9:24

6. Ano ang katumbas sang isa ka adlaw sapropisiya?Ezekiel4:6

7. Sang san-o nagsugud ining daku nga propisiya? Daniel 9:25

8. Sa ano nga tuig ang mando ginpapanaug nga ang Jerusalem patindugon liwat? ____ B.C.

9. Natuman bala ang propisiya suno sa gintalana nga tion sa tagna? Mateo 3:16,17 ( i.e. 483 ka tuig halin sa 457 B.C. )______________________ __________________________________ (ini natabu sa tuig A.D. 27).

10. Sang san-o gintagna nga ang halad nga sakripisyo pauntaton? Daniel 9:26-27

11. Sang san-o nga tuig nga ang mga Judeo gin-utod bilang pungsod nga pinili sang Dios? Binuhatan 7:58-60 kag sang_______ nila si _______…

12. 1810 ka tuig ang nabilin sa propisiya, nga konmakomplet magatudlo Ini sa tuig sang paghukom sa langitnon nga santuario; ano nga tuig ini? _____A.D.

Nakita mo bala kon paano ang Diosnong propisiya Indi mabakwi sa mga dili tumuloo?____