13-Pagpaambit sang pagtoo

From this English study: https://maranathamedia.com/download/view/13-sharing-your-faith
Use with this chart: https://maranathamedia.com/download/view/25-walking-with-jesus

Download Illongo .word file: 
https://maranathamedia-philippines.com/file_proxy/volume_ams3_01/maranathamedia-philippines.com/downloads/studies/Lesson13.docx

Sa wala pa naglinapta ang mga una nga mga Kristohan sa bug-os nga kalibutan sadtong una nga siglo, bilang resulta sang mga pagpigus, ginabanabana nga may  25,000–60,000 ka mga pumuluyo nga mga kristohanon nga nagapuyo sa Jerusalem. Ang amo nga paglinapta  nangin alagyan sang paglapnag sang maayong balita, tungod kay wala na sila gapuyo sa Jerusalem.

Binuhatan 8:1–4                    Kag sa sadtong  adlaw nag-abot ang dakung paghingabut sa iglesia nga didto sa jerusalem; kag sila tanan nag-aplaag  sa bug-os nga ginsakpan sang Judea kag samaria, luwas ang mga pinadala. Si Estean ginlubond sangmga tawo nga mainampoon, kag naghaya sing daku tungod sa iya. Apang ginpaantus sing lakas ni Saulo ang iglesia, nga nagapamalybalay, kag sang ginpnguyud ang mga lalaki kag mga babayi ginpanulod sila sa bilangoan. Karon ang mga nag-alaplaag nagpanglakatan nga nagawali sang pulong.

Binuhatan 20:20                    Kon paano nga wala ako nag-isol sa pag-asoy sa inyo sa bisan ano nga mapuslanon, kag nagatudlo sa inyo sa dayag kag sa pamalaybalay.

Ang mga nag-alaplaag nagpanglakatan nga nagawali sang puong. Ginsugid nila ang Jesus sa mga merkado, sa mga kadalanan kag sa ila mga kabalayan.

Binuhatan 17:6                Kag sang wala nila sila makita, ginguyod nila si Jason kag ang pila ka mga kautoran sa atubangan sang mga manugdumala sang banwa nga nagasingit “ini sila nga nagpabaliskad sang kalibutan nagkari man diri,

May nahimo bala ang mga kristohanon sa kalibutan? Sa pagka -ipiktibo gid sang mga kristohanon sa bagay nga ang Ila mga kontra nagsiling “ nagpabaliskad sang kalibutan”. Ang ilang buhat wala nagdaug tungod sa.  Mga pinadala, kundi bangud sang mga matutum nga mga membro sang Iglesia— ang Lay men.  Binuhatan 8:1 nagsiling, ang mga pinadala nagpabilin sa Jerusalem.

Mateo 28:19—20                Busa lakat kamu kag himoon nga mga gintutun—an ang tanan nga kapungsuran, nga nagabautiso sa ila sa ngalan  sang Amay, sang anak, kag sang Espiritu santo, nga nagapanudlo sa Ila sa pagtuman sang tanan nga ginsugo ko sa inyo; yari karon, ako kaupod ninyo sa gihapon, tubtub sa katapusan sang katuigan.

Ari ang dirikta nga mando ni Jesus sa iyang mga sumulunod. Naga-agda siya sa paglakat kag dalha ang maayong balita sang kaluwasan. Wala lang niya Ini ginhambal sa mga tawo sang una kundi sa tanan gid tubtub sa katapusan sang panag—on. Siya nagsiling  nga ang iya presensiya mangin kaupod nila tubtub sa katapusan sang panahon”. Apil na kita karon. Bisan paman ang ining matahum nga pribilihiyo nga ipaambit si Jesus sa iban.

Markus 16:20                  Kag naglakat sila kag nagpangwali sa bisan diin, samtang ang ginoo nagpanghikot kaupod nila kag nagpamatuud sang pulong paagi sa mga tanda nga nagsonod. Kabay pa.

Amo Ini ang ilang sabat sa mando ni Jesus nga maglakat sa bug—os nga kalibutan. Tubtub karon ang amo nga mando nagapadayon sa gihapon. Ang iglesia Indi palahuwayan. Ang iyang buluhaton amo ang pagdala sang maayong balita sa kadaygan sang duta.

Binuhatan 1:8                 Apang magabaton kamu sing gahum kon ang Espiritu Santo mag-abot sa inyo; kag mangin saksi ko kamu sa Jerusalem kag sa bug-os nga Judea kag Samaria kag tubtub sa ukbong sang duta.

Ang pagpanaksihon para kay Jesus kon wala ang gahum sang Espiritu Santo magadul-ong sa pagkapaslaw. Apang ang natawo liwat nga kristohanon magapangayo sa Iyang gahum  kag ang Dios kinabubut-on nga magahatag.

Binuhatan 5:32                Kag kami nga saksi sa sining mga butang, kag amo man ang Espiritu Santo nga nahatag sang Dios sa mga nagatuman sa iya.

Ang matinumanon nga Kristohanon ginahatagan sing gasa kag gahum sang Espiritu Santo.

Mateo 24:14                   Kag Iwali ining maayong balita sang ginharian sa bug-os nga kalibutan, subung nga saksi sa tanan nga kapungsuran; kag ugaing magaabot ang katapusan.

Ang mensahi sang maayong balita Igawali sa bug—os nga kalibutan. Kon ang tanan nga tawo nalab—ot na kag nahatagan sing kahigayunan sa pagbaton kay Jesus bilang manluluwas, ang Dios magapanaug na sang kumbung sa sining kalibutan sang pagpakasala. Tanan may bahin, gagmay kag dalagku, sa pagsugid sa iban nahanungud sa  aton mahigugmaon nga manluluwas.

Juan 12:32               Kag ako, kon bayawon gikan sa duta, magabuyuk sang tanan nga tawo sa akon kaugalingon.

Bangud nga si Jesus ginbayaw sa krus, ang katawhan nabuyok papalapit sa Iya. Ang iyang gugma nakakita sang alagyan pakadto sa matig-a nga tagipusoon sang makasasala. Kon ang iyang mga sumulunod, magbayaw sa Iya karon, nga wala nagakahuya, ang mga tawo mabuyok gid gihapon sa Iya.

Markus 8:38                   Kay ang bisan sin-o nga magkahuya sa akon kag sa akon mga pulong sa  Sining kaliwatan nga makihilahion kag makasasala, ang anak sang tawo  magakahuya man sa Iya, kon magkari Sia sa himaya sang Iya Amay upod sang balaan nga mga manugtunda.

Kon si Jesus magabalik sa ikaduha nga tion, walay padya nga igahatag sa mga nagakahuya nga bayawon ang ilang manluluwas.

Roma 1:16                Kay wala ko ginakahuya ang maayong balita: ini amo ang gahum sang Dios nga sa kaluwasan sa tagsatagsa nga nagatoo, sa Judeo sing una  kag sa griego man.

Wala gid ginkahuya ni Pablo si Jesus okon ang mensahi sang kaluwasan. Bugal nya nga si Jesus amo ang iyang manluluwas, kag sa walay kahuya ginsugid niya ini sa kalibutan.

Juan 4:28-29,39               Gani ginbabayi aang iya tibud, kag nagkadto sa banwa, kag nagsiling sa katawhan, “kari kamu, tan-awa ang tawo nga nagsugid sa akon sang tanan nga butang nga nahimo ko. Amo ayhan Ini ang Cristo? Madamu sang mga Samarianhon sa sadtong banwa nga nagatoo sa iya bangud sang pagpamatuud sang babayi, “sia nagsugid sa akon sang tanan nga nahimo ko.”

Sa gilayon sang nahantupan sang babayi si Cristo amo ang misias, nagsugud siya sa pagsugid sa iban. Gamay lang kaayo ang iyang nahibaloan, pero ginsugid na niya ini kag ang iyang pagpanaksihon nagresulta  sang madamung  kristohanon. Wala na ta gakinahanglan nga mangin theologian okon pastor para magpanaksihon para kay Kristo, ang iya lang nga isugid ta sa iban ang aton nahibaloan nahanungud sa Iya. Walay makapakiglalis sa bisan kay sin-o kon ina iyang mga kaagi bisan pa kon Indi siya kumpormi sa Iyang mga panlantawan.

Markus 5:18-20                Kag sang nagasakay Siya sa sakayan, nagpakilooy sa iya ang may mga yawa anay nga mag-upod siya sa Iya. Apang si Jesus wala magtugut , kundi nagsiling sa Iya, “pauli ka sa imo mga abyan, kag suguri sila kon daw ano ang nahimo sang Ginoo sa Imo,kag daw ano nga naluoy Siya sa imo.” Kag naglakat siya kag nagsugod sa pagbantala sa decapolis kon daw ano ang nahimo ni Jesus sa iya; kag natingala ang tanan nga tawo.

Ining tawo may linibo ka mga demonyo. Ang iyang itsura makahaladluk apang sang gintabug na ni Jesus ang amo nga mga demonyo, ang among tawo nabag-o; nabalik sa Iyang husto nga panghunahuna. Nagpasalamat siya kay Jesus, kag gusto niya nga mangin sumulonod ni Jesus; pero si Jesus nagsiling sa Iya “isugid sa ila kon ano ang nahimo sang Ginoo sa imo.” Sa iban nga pinulongan, gintawag siya nga mangin saksi para kay Jesus. Gamay lang iyang nahibaloan parti kay Jesus, pero ginsugid niya ang iya nahibaloan. Masugid niya ang ka misirabli sang Iya kabuhi sa wala pa niya makilala si Jesus, kon daw ano siya nga nagakinahanglan sang bulig pero walay nakabulig. Masugid niya kon paano siya nangin kristohanon kag ang kalipay nga iya nabaton. Ang kalipay nga iyang nahangpan ang pulong sang Dios kag ang dalan sang kaluwasan. Iya man masugid kon paano siya nahimo nga tumuloo. Ang kalinong sa hunahuna kag ang katagbawan sang kalag nga wala gid niya damgoha iyang nabaton.

Ang tagsa ka kristohanon karon sarang gid makapanaksihon sa iyang mga nakit-an, nabatyagan kag mga nabatian nahanungud sa gahum ni Kristo. Makapanaksihon kita sa kon paano si Kristo nangin aton personal nga manluluwas kag nga ang Biblia pulong sang Dios.

“Bilang saksi ni Kristo, aton ikasugid ang kon ano ang aton nahibaloan, kon ano ang aton nakit-an kag nabati-an kag nabatyagan. Kon kita lang magsunod kay Jesu tikang kag tikang, makasugid kita sang mga husto nga punto nga makatudlo sang dalan nga amo man ang nangin giya naton”. Desire of ages page 318

Bangud sang pagpanaksihon sang tawo nga nayawaan, ang mga tawo nangin handa sa pagpamati kay Kristo sang si Kristo nagbisita sa amo nga duug. Ang nayawaan anay amo man ang nagpanggas kag si Kristo amo ang nag-ani. Gusto sang Dios nga kita “magpangas sang binhi” paagi sa pagkabuhi sang dalayon sa Kristohanon nga pagkabuhi. Kag isugid kon ano ang aton man mahimo para kay Jesus. Kon kita magmatutum, may yara gid mga kalag nga maani para sa ginhari-an sang Dios.

Lukas 10:2               Kag nagsiling Siya sa ila, “matuud ang alanyon bugana, apang pila lang ang mga mamumugon; busa pangamuyo kamu sa Ginoo sang alanyon  agud nga magpadala Siya sang mga mamumugon sa Iya alanyon.

Sa sining kalibutan sang sala, diutay gid lang ang mga manugpangabudlay nga sa pagtipon sang alanyon. Madamu ang mga kalag nga nagatangla sa babaw nagahandum nga makapuyo didto apang wala gid makahibalo sang dalan padulong didto, magluwas nga may magpalapit kag magtudlo sa ila. Madamu pa ang ginakihanglan nga magbalaan sa ilang mga kaugalingon nga sa pag-alagad sa Ginoo. Indi tanan pareho ang masarangan apang ang tanan may mahimo gid. Klarohon ina sang Ginoo sa Imo kon ano Iyang ipabuhat sa imo kon imo na pangayuon sa pangamuyo. Kon mahibaloan mo lang kon ano ang kabubut-on sang Dios nga Ipabuhat sa imo, himoa ina nga maukod kag Indi magkataka sa pagbuhat sing maayo.

Bu-ot mo bala nga mangin-saksi para kay Jesus? Gusto ni Jesus nga mangin tuburan ka sang tubig nga buhi. Kag gusto Niya nga imo man ini ipaambit sa iban ang tubig sang kaluwasan. Ang labing daku nga kalipay kag katumanan sa kabuhi amo nga masugid nimo sa iban ang kon ano ang Imo nakit-an kay Jesus. Abi nimo, Indi lang ang iban ang makabinipisyo sa imo nga pagpanaksihon, ang imo kaugalingon mismo nga pagtubo kristohanon makaangkon sing pagtubo kag kusug. Paagi sa pagbulig sa iban, nabuligan man ang imo kaugalingon. Magpangayo ka sing tabang kay Jesus nga himoon ka Niya nga magmanginmalipayon nga saksi para sa Iya. Buut mo bala?

Review sheet: pagpaambit sang pagtoo

Assignmet: basaha maayo ang bible study guide palihog sa dili pa nimo ini sabton.

1. Bilang resulta sang mga pagpanghingabut sang unang siglo sa kistohanon nga Iglesia, ano ang ginhimo sang mga kristohanon? Binuhatan 8:1-4
2. Ano nga tipo sang ibanghelio ang Ila gingamit sadto? Binuhatan 20:20
3. Ano nga inpluwensiya ang nahimo sang mga kristohanon sa kalibutan? Binuhatan 17:6
4. Ano ang mando ni Kristo sa iglesia? Mateo 28:19-20
5. Ginsunod bala sang Iglesia ang amo nga mando? Markus 16:20
6. Sin-o ang nagapalig-on sa mga tumuloo agud magpanaksihon para sa Ginoo? Binuhatan 1:8
7. Ano ang kwalipikasyon agud ang tumuloo makabaton sang balaan nga Espiritu? Binuhatan 5:31
8. Tubtub bala sa katapusan ang mando ni Kristo sa gihapon matuman? Mateo 24:14
9. Kon mahuya kita magpanaksihon para kay Jesus, ano bala ang iya pagabuhaton sa aton kon Siya magbalik? Markus 8:38
10. Paano ang babayi sa bubon nagpanaksihon para kay Jesus? Kag ano ang resulta? Juan 4:28-29
11. Ano ang ginhambal ni Jesus sa nayawaan sa tapus Niya ini gipaguwaan sang yawa? Markus 5:18-20
12. Ano ang dakung kinahanglan agud mapalapnag ang mensahi sang kaluwasan? Lukas 10:2

Willing ka bala mangin saksi para kay Jesus? ____________