18 - ANG MILLENIUM

From this English study: https://maranathamedia.com/download/view/18-the-millennium
Use with this chart: https://maranathamedia.com/download/view/35-when-jesus-becomes-king

Download Illongo .word file:
https://maranathamedia-philippines.com/file_proxy/volume_ams3_01/maranathamedia-philippines.com/downloads/studies/Lesson18.docx 

Sa tapus sang ikaduha nga pagbalik ni Jesus may madamu pa ang magakahalanabu. Sa dili pa bug-os nga mapasag-uli ining planeta, may isa pa kalibo ka tuig ang magalabay. Ano ang matabu sa duta sulod sa Isa ka libo ka tuig? Sa diin ang mga katawhan sang Dios? Paano si Satanas? Ang Biblia naghatag sang maathag nga mga sabat sa sini nga mga palamangkutanon. Ang tinion sang isa ka libo ka tuig masami ginatawag nga ‘millenium’. Ini nga pulong Indi makita sa Biblia apang isa ka englis nga pinulongan nga naghalin sa duha ka tinaga nga latin, ‘mili’ (1000) kag ‘annus’ (tuig), nga nagkahulugan isa kalibo ka tuig.

Juan 5:28-29   Dili kamu matingala sini; kay ang takna magaabut nga ang tanan nga yara sa mga lulubngan magapamati sang iya tingug. Kag magagowa, ang mga nakahimo sing maayo, sa pagkabanhaw nga sa kabuhi, kag ang mga nakahimo sing malaut sa pagkabanhaw nga sa paghukom.

Diri klaro nga may duha ka klasi sang pagkabanhaw— ang isa para sa mga matarung, kag ang isa para sa mga malauton. Apang san-o ini mahanabo?

1 Tesalonica 4:16,17  Kay ang Ginoo gid  magakunsad gikan sa langit nga may singgit sang pagmando, sa tingug sang puno nga manugtunda, kag sa budyong sang Dios. Kag ang mga napatay kay Cristo mabanhaw sing una; Niyan kita nga mga buhi nga nabilin sagmiton sing tingub upod sa ila paibabaw sa mga panganud sa pagsugata sa Ginoo sa kahawaan; kag niyan mangin kaupod kita sing dalayon sa Ginoo.

Ang pagkabanhaw sa mga matarung  mahanabo sa Ikaduha nga pagbalik ni Jesus kag ang mga matarung nga naabtan nga buhi pagasagmiton paibabaw upod sa Ginoo. Maathag man nga ang mga matarung makasulud sa presensya ni Cristo, sa diin ang kalipay dayon.

Bugna 20:4     Nagkabuhi  sila liwat kag naghari kaupod kay Jesus sing isa ka libo ka tuig.

Bal anon kaayo nga ang mga linuwas sang Dios pinasahi ang pribilihiyo sulud sa Isa ka libo ka mga tuig, sa sina indi lang sila magkabuhi upod sa iya, kundi magahari man.

Bugna 20:5     Ang nabilin nga mga patay wala mabuhi liwat tubtub nga matapus ang isa ka libo ka tuig. Ini amo ang nahaunang pagkabanhaw.

Ang milinium natung-an sa duha ka pagkabanhaw. Ang pagkabanhaw sang mga mtarung amo ang iya panugud kag ang pagkabanhaw sang mga malauton amo ang iyang pagkatapus. ang “unang pagkabanhaw nagatumud sa mga nabuhi nga matarung kag magahari upod kay Jesus nga nasambit sa bersikulo 4 kag 6. Maathag nga ang mga matarung kaupod ni Jesus sa panahon sang milinium,  yadtong mga nabanhaw na. Samtang ang mga nabilin nga mga patay, pagabanhawon sa tapus ang isa ka libo ka tuig- amoang ikaduhang pagkabanhaw.

Bugna 20:6     Bulahan kag balan ang may bahin sa nahaunang pagkabanhaw! Sa ila sini walay gahum ang ikaduhang kamatayon, kondi mangin sacerdote sila sang Dios kag ni Kristo, kag magahari sila kaupod niya sing Isa ka libo ka tuig.

Yadto lamang ang may bahin sa nahaunang pagkabanhaw ang makabaton sang padya nga kabuhing dayon. Ang ikaduhang kamatayon amo ang katapusan nga kapalaran sang tanan nga wala nakaambit sa nahaunang pagkabanhaw. Ang kalaglagan amo ang ilang bahin; amo ang Ikaduhang kamatayon.

2 Tesalonica 1:7-8 Kag sa Inyo nga mga ginapapiotan ang paghatag sing kapahuwayan kaupod namun, sa pagpahayag ni Ginoong Jesus gikan sa langit kaupod sang iya mga gamhanan nga mga manugtunda sa nagadabdab nga kalayo,nga nagatimalus sa mga wala nagakilala sa Dios kag sa mga wala nagtuman sang maayong balita sang aton Ginoong Jesus.

Sa ikaduhang pagbalik ang nga malauton magakalamatay kag magapabilin nga patay tubtub ang katapusan sang Isa ka libo ka tubig.

Jeremias 25:33 Kag ang pinatay sang Ginoo sa sadtong adlaw manginkutub sa Isa  ka ukbung sang duta tubtub  sa isa ka ukbung sang duta. Indi sila paghayaan, ukon tiponon, ukon ilubong; mangin ipot sila sa kadaygan sang duta.

Jeremias 25:30-33 nagasugid sang propisiya sang kalaglagan sang tanan nga pungsud. Diri aton makita ang bug-os nga kalaglagan. Ang mga malauton nagkalamatay ang mga matarung yadto na sa langit. Bangud sini, ang duta walay tawo sulud sa isa ka libo ka tuig.

Isaias 24:1    Yari karon ang Ginoo nagahublas sang duta kag nagawagwag sini, kag nagabaliskad sini kag nagapaaplaag sang iya mga pumuluyo.

Ini nga propisisya sa orihinal ginpatungud sa literal nga Israel, apang ini magakatuman sa ikaduhang pagbalik ni Jesus. Kag ini iyang kapareho nga makita sa Bugna 20.

Jeremias 4:23-27    Natolok ko ang duta, kag yari karon, walay kahusayan kag walay sulud; kag ang mga langit, kag wala sila sing kapawa. 24. Natulok ko ang mga bukid, kag yari karon nagkurug sila, kag ang tanan nga kabakoloran nag-uyug. 25. Natolok ko,kag yari karon, walay tawo, kag ang tanan nga kapispisan sang mga langit nagpalagyo. 26. Natolok ko, kag yari karon, ang latagon nga mabungahon kaminggawan, kag ang tanan niyang kabanwahanan ginguba sa atubangan sang Ginoo, sa atubangan sang iya mapintas nga kaakig. 27. Kay amo Ini ang ginasiling sang Ginoo, “manginmamingaw ang bug-os nga duta; apang Indi ko pagtapuson sing bug-os

Ini nga propisiya may duha ka aplikasyon. Ang Jerusalem nalaglag, busa natuman na ini apang may mas madalum pa nga katumanan sini kay ang bersikulo nagsiling ang duta walay porma kag sulud. Ini mahanabu “sa atubangan sa presensya sang Ginoo.” Kaangay nga ang Israel nakabalik sa Jerusalem(wala gin-ubos tanan) amo man ang sa palaabuton, sulud sa Isa ka libo ka tuig ang duta mangin mamingaw apang indi bug-os nga maubos kalaglag.

Lukas 17:28-30 Subung man sa sang nahanabu sa mga adlaw ni Lot—nagkaon sila, nag-ilinum sila, nagpamakal sila, nagpamaligya sila, nagpananum sila, nagpatindug sila, 29. Apang sa Adlaw nga naggowa si Lot sa Sodoma nag-ulan sing kalayo kag azufre gikan sa langit kag naglaglag sa ila tanan— mangin amo man Ini sa adlaw  nga ipahayag ang anak sang tawo.

Ginklaro na ni Jesus ang palaabuton nga kalaglagan sang duta sa adlaw nga Siya magabalik. Kaangay sa mga panghitabo sa Sodoma kag Gomora nga sang nag-abut ang paghukom, ang kamatayon nag abut sa iyang gahum. Ang bisan anong mga pagtudlo nga nagasiling nga may pagkabuhi pa sa sulud sang isa kalibo ka tuig diri sa duta,  indi ina matuud. Kon si Jesus magbalik, ining kalibutan Indi gid mapuy-an. 

Bugna 20:1-3   Niyan nakita koang manugtunda nga nagakunsad gikan sa langit, nga may yabi sang kadadalman kag dakung talikala sa iya kamut. 2. Kag gindakup niya ang dragon, yanang dumaan nga man-ug nga amo ang yawa kag Satanas kag gingapus sia sing isa kalibo ka tuig, kag gintagbong sia sa kadadalman, kag gintakpan ini kag ginpat-inan sa ibabaw niya, agud nga indi na niya pagdayaan ang mga pungsuud, tubtub nga matapus ang isa ka libo ka tuig. Sa tapus sini kinahanglan sia paghubaran sa malip-ot nga ti-on.

Ang tinaga nga kadadalman nagikan sa tinaga nga ‘Abussos’ sa greigo nga pinolongan, nga nagakahulugan sang madulum, mahigku, biyaan nga duug, yara sa kahimtang sang kagamu. Amo man nga tinaga ang gikan sa hebrew sa daan nga katipan ang pagtuga sa kalibutan nga —“walay porma kag walay sulud”. Ang moderno nga mga manughubad naggamit sa pulong nga  ‘abyss’. Ini nga duug walay sulud. Amo ang bilanggoan ni Satanas sulud sa Isa ka libo ka tuig.

Ang literal nga kadina dili makagapus kay Satanas; si Satanas magapus sa kadina sang sirkumstansya. Samtang nga ang mga linuwas ato sa langit, ang mga malauton patay, wala gid sia sing matintar bisan Isa. Dili na sia makadaya sulod sa isa ka libo ka tuig. Apang matapus ining isa kalibo ka tuig ang mga malauton liwat pagabanhawon, busa liwat  magapangdaya si Satanas sa katapusan nga higayon.

Bugn 21:2      Kag nakita ko ang banwang balaan, ang bag-ong Jerusalem, nga nagapanaug halin sa langit gikan sa Dios, nga naaman subung sang nobya nga napunihan nga sa Iya bana. 

Ang pagpanaug sa Syudad wala na laragway sa Bugna 20,apang ini nahitabo bangud nga ang syudad ginhinambit nga yara sa duta sa Bugna 20:9.

Bugna 20:7-9   Kag sang pagkatapus sang Isa ka libo katuig, si Satanas hubaran gikan sa iya bilangoan kag magaguwa sa pagdaya sa mga pungsud sa apat ka pamusud sang duta, nga amo, ang gog kag magog, sa pagtipon sa ila kadamuon subung sang balas sang dagat. Kag nagsaka sila sa kalaparan sang duta kag ginlibutan nila ang dulugan sang mga balaan kag ang hinigugmang banwa; apang naholog ang kalayo gikan sa langit kag naglamon sa ila.

Ang Ikaduhang pagkabanhaw nahanabu sang si Satanas ginhubaran kag liwat nagdaya sang tanan nga nasud  Iyang ginhangkat ang tanan sa pagpakig-away batok sa mga linuwas sang Dios kag sa pagkuha sang syudad paagi sa kusog. Ang mga malauton nagapakig-aay sa away nga pierdido,pero bangud sa ilang kadispirado nagtinguha sapag-agaw sang banwa nga dili sila takus sa pagpuyo. Samtang sila nagapangandam, ang mahigugmaon nga himaya sang Dios bug-os nga ginpakita kag samtang nga ila ini nakita, nangin baga sang kalayo Ini sa ila mga hunahuna.

Bugna 12:20    Dili, “kon ang imo kaaway ginagutum, pakaona sia; kon ginauhaw sia, paimna sia; kay sa paghimo mo sini magatumpi ka sang mga baga sa Iya ulo.”

Ang wala napasaylo nga mga sala, magapilas sa kalag sang malauton kag ang langit kag duta magabuga sing kalayo bilang sabat sa ila mga paghukom sa kaugalingon.

Bugna 20:10    Kag ang yawa nga nagdaya sa Ila gintagbung sa linaw nga kalayo kag azufre…

Indi lang ang mga malauton ang gintagbung, kundi pati ang Yawa kag ang Iyang mga kaupdanan, gintagbung sila sa linaw nga kalayo.

Bugna 20:14-15 Niyan ang kamatayon kag Hades gintagbung sa linaw nga kalayo. Ini amo ang ikaduhang kamatayon ang linaw nga kalayo.  Kag kon ang bisan sin-o nga wala makakita sang iya ngalan nga nasulat sa tulun-an sang kabuhi, gintagbung sia sa linaw nga kalayo.

Sala kag ang makasasala pareho ginlaglag sing bug-os.

Bugna 21:1,4   Niyan nakita ko ang bag-ong langit kg bag-ong duta; kay ang nahaunang langit kag ang nahaunang duta nagtaliwan, kag wala na ang dagat. Pahiran niya ang tagsa ka luha sa mga mata nila, kag wala na sing kamatayon, ukon kalisud ukon paghibi ukon kasakit pa, kay ang nahaunang mga butang nagtaliwan.”

Gintuga sang Dios ang tanang butang nga bag-o. Ang tagsa ka higku sang sala nawala na. Ini nangin kaangay sa nahauna nga pagtuga sa kalibutan, busa ang tanan himpit na kag liwat nga malipayon. Ang dalan sang sala kag kamatayon nawala sing bug-os nga dayon. Ang walay katapusan nga kabuhi yari na.

Kon ang balaang syudad ipapanaug na, ayhan kita nagatulok halin sa gwa pasulud ukon, halin sa sulod pagwa sa nagasilang nga salaming nga dingding sang Jaspe. Mangin ulihi na ang tanan kon sa dason ka pa magdisisyon. Kon  si Jesus amo ang nauna sa Imo kabuhi subung, Sia magagiya sa Imo nga magmadaugon. Dili ka bala magsabat sa iyang Inbitasyon subung? Dali, pilion ta si. Jesus samtang may panahon pa.

CHART

               Unang               ikaduhang

               pagkabanhaw         pagkabanhaw

Review sheet— Ang Millenium

Assignment: palihug tun-i maayoang bible study guide imbis mo ini sabton.

1. Pila ka pagkabanhaw ang narekord sa Bible? Juan 5:28-29

2. Ano nga pagkabanhaw ang matabo sa pagbalik ni Jesus? 1 Tesalonica 4:16-17.

3. Matapus ang pagbalik ni Jesus , sa diin ang mga matarung sulud sa 1000 ka tuig? Bugna 20:4

4. San-o matabo ang pagkabanhaw sang mga malauton? Bugna 20:5

5. Ano ang kahimtangan sang kalibutan sa panahon sang 1000 ka tuig? Isaias 24:1

6. Ano ang palanan-awon nga nakita ni Jeremias?Jeremias 4:23-27

7. I laragway ang kahimtang sang kalibutan sa tapus ang milllenium nga ginpredik ni Jesus. Lukas 17:28-30.

8. Ano ang matabu kay satanas sa tion sang millenium? Bugna 20:1-3

9. Ano ang daku nga hitabu sa tapus ang millenium? Bugna 21:

10. Ano nga pagpamatok sa Dios ang matabo sa tapus ang 1000 ka tuig?  Bugna 20:7-8

11. San o ang katapusan sang sala? Bugna 21:14-15

12. Ano ang tugahon sang Dios liwat sa tapus masulosyonan ang sala? Bugna 21:1,4

Kon mahimo na sang Dios ang tanan nga bag-o, handum mo bala nga magpuyo sa sulod sang Syudad?