16a - ANG PAGHUKOM

From this English study: https://maranathamedia.com/download/view/16a-the-judgement
Use with this chart: https://maranathamedia.com/download/view/34-3-phases-of-judgement

Download Illongo .word file: 
https://maranathamedia-philippines.com/file_proxy/volume_ams3_01/maranathamedia-philippines.com/downloads/studies/Lesson16a.docx

Agud nga maeksperiensiyahan ang bug-os nga kaayohan sang maayong balita, dapat nga una naton maapresyar ang ginhimo ni Jesus sang una, sa karon kag ang Iyang pagahimoon sa palaabuton apang labaw sa tanan,dapat aton mahibaloan ang ginhimo ni Jesus para sa aton SUBUNG! Kon ang pagka-Kristo-hanon para sa imo, kaluwasan, katagbawan, gahum; dapat nga makilala si Kristo sa karon.

Sa nagligad nga pagtu-on, aton naun-an ang pinakalawig nga propisiya nga naglambot sa tuig 1844. Sa sini nga tuig ang pagwali sang katapusan nga mensahi sang Dios para sa tawo nagsugud. Ang mensahi sang tatlo ka manugtunda sa Bugna 14. Sa amo man, si Kristo nagsugud sa bag-ong hilikuton sa pagpatunga didto sa langit.

Daniel 8:13-14 Nabatian ko ang isa ka balaan  nga nagapamolong;  kag ang isa pa  ka balaan  nagsiling sadtong isa nga nagpamolong , “tubtub pa bala san-o ang palanan-awon nahungud sa dalayon nga halad-nga-sinono, ang paglalis  nga nagapamingaw, sa paghatag sang santuario kag sang kasuldadosan  nga tapakon?14. Kg sia nagsiling sa akon, “tubtub sa duha ka libo kag tatlo ka atus ka kahaponon kag kaagahon; ugaling ang santuario matinloan.”

Ang pulong “pagtinloan” basahon bilang ginpakamatarung sa iyang kaundan Ini nagaindikar sang paghukom. Agud aton mahangpan ang Implikasyon sining paglimpyo sa santuario sa langit daapat una nga aton mahangpan ang operasyon kag kahulugan sang santuario sang Dios diri sa duta.

Hebrew 9:22    Sa pagkamatuud, sa idalum sang kasugoan dawang tanan nga butang ginapaputli sang dugo, kag sa walay pagpaagay sang dugo walay kapatawaran sang mga sala.

Ang serbisyo sang santuario sa daan nga katipan nagalibot sa mga sakripisyo sang sapat bilang pagkinahanglan sang pagpaagay sang dugo agud sa kapatawaran sang mga sala.   Kon walay pagpaagay sang dugo walay kapatawaran nga mabatonan. Ang dugo sang sapat nagasimbolo sa dugo ni Jesus. Agud nga ang makasasala. Mahugasan sang iyang mga sala, ang pagpaagay sang dugo kinahanglan.

Exodus 25:8-9  Kag himoan nila ako sang santuario, agud nga ako makapuyo sa tunga nila. 9. Suno sa tanan nga ginapahayag ko sa imo, nahanungud sa huwaran sang kayangkayang, kag sang tanan niyang mga gamit, himoon mo gid ini sing subung.

Ang santuario gintukod bilang sentro nga duug para sa sakripisyo. Handum sang Dios nga magpuyo sa tunga sang Iyang katawhan, gani ang santuario gintukod, agud nga ang mga tawo matinloan gikan sa ilang mga sala paagi sa pagpaagaay sang dugo, sa sina ang Dios sarang na nga magpuyo kaupod nila.

Hebrew 9:2-7   Kay ang isa ka kayangkayang gin-aman, ang sa gowa, diin ang candelero kag ang mga latok kag ang tinapay nga pahayag; ini gintawag nga duug nga balaan. 3. Sa likod sang ikaduhang kumbung nagtindug ang kayangkayang nga gintawag ang duug nga labing balaan gid, 4. Nga may halaran nga bulawan nga incenso kag ang kaban sang katipan  nga nataklapan ang palibut sing bulawandiin ang suludlan nga bulawan nga nasudlan sang mana, kag ang sungkod ni Aron nga nagpanalingsing, kag ang mga tapitapi sang katipan; 5. Sa ibabaw sini ang mga querubin sang himya nga nagalandong sa lingkoranan ngapakilooyan. Nahanungud sining mga butang Indi kita karon makahambal sing talaid. 6. Ining mga pag-amn nga nahimo sing subung, ang mga sacerdote   Nagasulod sing dalayon sa nagowa nga kayakayang, nga nagatuman sang mga hilikuton sang ila pag-alagdan; 7. apang sa ikaduha nagasulod  ang pinakamataas nga sacerdote mga Isa lamang , kag makaisa sa Isa katuig, kag Indi nga wala sing dala nga dugo nga ginahalad niya tungud sa iya kaugalingon kag tungud sa mga sayup sang katawhan.  Ini amo ang santuaario kag ang iyang mga kagamitan nga ipahimo sa kaanakan ni Israel. Ang bug-os nga detalyi ginhatag sa Exodus kapitolo 25, 26, 
kag 27.

Hebrew 10:4    Kay Indi mahimo nga ang dugo sang mga llaking baka kag sang mga kanding magkuha sang mga sala.

Juan 1:29      Sa adlaw nga madason nakita niya si Jesus nga nagapakara sa iya, kag nagsiling, “ yari karon, ang Cordero sang Dios nga nagakuha sang sala sang kalibutan.”

Ang halad sa sakripisyo nga mga sapat pagadalhon sa santuario, apang ang dugo sang sapat dili makatubos sang sala. Ang manughalad sa rialidad nagapakita sang iyang pagtoo sa umalabot nga manluluwas; si Jesus ang Cordero sng Dios. Ang mga kaundan sa santuario may nagakaigo nga kahulugan kag Ina nagatudlo didto kay Jesus.

Kada ang adlaw ang mga Sacerdote nagapangalagad sa Santuario, apang sa makaisa gid lang nga ang labing mataas nga Sacerdote magasulud sa labing balaan nga hulot sa Adlaw sang katumbasan. Ang Katumbasan  nagakahulugan sang pagtabun; ang mangin Isa upod sa Dios; ang mapasag-uli sa Dios.

Levitico 16:29,30   Kag Ini mangin palatukuran ninyo nga dayon nga sa bulan nga ika-pito, sa ikapulo nga adlaw sang bulan, pit-an inyo ang Inyo mga kalag, kag indi maghimo sang bisan ano nga bagay sang buluhaton, ang tumandok ukon ang dumuloong nga nagapanlugaw sa tunga ninyo. 30. Kay sa sining adlaw himoon ang katumbasan tungudsa Inyo, sa pagtinlo sa inyo; gikan sa tanan ninyo nga sala tinloan kamo sa atubangan sang Ginoo

Levitico 23:27 Sa adlaw nga ikapulo sa sining bulan  amo ang adlaw sang katumbasan; ini balaan nga pagtililipon sa inyo, kag pit-an ninyo ang Inyo mga kalag kag mgdulot kamu sing mga halad sa kalayo sa Ginoo.

Ang katawhan ginmandoan nga “ pit-ang ang Inyo mga kaugalingon” ( usisaon ang mga kaugalingon sing maid-id nga magwalay sala nga wala natuad nga amo ang kabangdanan nga mahamulag sa Dios. ) ang adlaw sang katumbasan amoang adlaw sag paghukomsang Dios sa katawhan. Ini lamang Ini pag-alagdan indibiduwal nga buhaton adlaw adlaw, kundi ini amo ang katapusan nga pagsikway sang sala. Amo ini sadto ang paglimpyu sang santuario. Paagi sa pag-ula sang dugo ang sala mapasaylo sa iya kag magabalhin ini sa santuario. Ang bisan sin-o nga wala makatuad sang sala, dili mapatawad ini sa iya busa dalahon niya ang silot sa sala nga iyang nahimo. Ang makasasala nga nalimpyuhan adlaw adlw sabilog nga tuig ang iyang mga sala nag saylo sa santuario, busa sa adlaw sang katumbasan ang amo nga sala nga yara sasantuario pagalimpyuhan.

Levitico 16:7-10    Niyan kuhaon niya ang duha ka kanding, kag ipahamtang sila sa atubangan sang Ginoo sa ganhaan sang layanglayang nga tliponan; 8. Kag papalaran ni Aron ang duha ka kanding , ang isa ka kapalaran tungud sa Ginoo kag ang isa ka kapalaran tungud kay Azazel. 9. Kag idolot ni Aron ang kanding nga nahulugan sa kapalaran sa Ginoo, kag idolot sia nga halad tungud sa sala; 10. Apang ang kanding nga nahologan sang kapalaran kay Azazel ipahamtang nga buhi sa atubangan sang Ginoo sa paghimo sang katumbasan tungud sa iya, sa pagtabog sini tungud kay Azazel sa kamingawan.

Sa adlaw sang katumbasan, may duha ka kanding nga pagagamiton sa serbisyo, ang isa sa Ginoo ang isa para kay Azazel. Ang kanding nga sa Ginoo pagapatyon bilang representasyon sa kamatayon ni Jesus nga amo ang bug-os nga kabayaran ang aton mga sala. Hebreo 10:12 ang Isa ka kanding ginrepresentaran ni Satanas bilag magapas-an sang iyang katungdanan kag bahin sa pagpakasala. Ang Sacerdote magabutang sang iyang kamut ibabaw sa ulo sining kanding para kay Azazel, didto iyang ituad ang tanan nga mga sala sang israel kag niyan pagabuhian ini sa kamingawan. Levitico 16:21-22. Ang kabug-aton sang sala, sa simbolismo, bug-os nga ginkuha gikan sa Israel, ang santuario nalimpyuhan, ang hilikuton sang katumbasan tungud sa sala sang katawhan nahuman.

Madamu sang nagapamangkot, ang dugo sang una nga kanding nga nagrepresentar sa dugo ni Jesus bilang halad, igo na bala para makatabon sa tanan nga mga sala sang katawhan? Oo gid. Niyan ngaa nga kinahanglan pa ang ikaduha nga kanding? Ang ikaduha nga kanding nagarepresentar kay Satanas, bilang pamuno sang tanan nga sala. Siya ang may kahimoan sini tanan kag rason ngaa nahimo sang katawhan. Ang dugo nga gihalad ni Jesus para sa sala walay kabahin si Satanas kay ang Iyang bahin amo ang pagdala sang kabug-atan sang sala kag sang sala mismo. Siya amo ang magapanabat sang tanan bangud sa iyang kaugalingon nga pamaagi agud ang tawo magbuhat sang sala.  Siya lang labaw nga responsabli.

Bugna 14:6-7   Niyan nakita ko ang isa naman ka manugtunda nga nagalupad sa tunga sag langit, nga may maayong balita nga dayon nga ibantala sa mga nagapuyo sa duta, sa tagsa ka pungsud kag kabikahan kag hambal kag katawhan; 7. Ka nagsiling sia sa mabaskug nga tingug, “kahadluki ninyo ang Dios kag hatagi sia sing himaya, kay nag-abot na ang takna sang Iya paghukom; kag simbah sia nga naghimo sang langit kag sang duta, sang dagat kag mga tuburan sang tubig.

Ang propisiya sang tion sa Daniel 8:14– ang santuario pagalimpyuhan okon pakamatarungon— natuman sang tuig 1844. Amo yadto ang una nga ti-on nga ginwali ang mensahi sang tatlo ka manugtunda nga may dakung gahum ang mensahi nga ginproklamar amo ang maayong balita nga dayon— ang mensahi nga nagluwas sakatawhan sa wala pa ang krus amo man nga mensahi sang kaluwasan ang makaluwas sa katawhan sa tapus ang krus.  ( Hebreo 4:2). Pero ko aton tan-awon ining pinasahi nga mensahi nga gikan sa Ginoo dapat iproklamar— ang tion sang iyag paghukom nag-abot— indi nga nagaabot. Ang mga manunulat sa bag-ong katipan naghinambit sa nahilapit nga paghukom—Binuhatan 24:25, apang ang pinasahi nga mensahi karon amo nga ang tion sang pghukom karon na. Ang takna sang paghukom nagsugod pa sang 1844 bilang katumanan sang “paglimpyo sang santuario sa langit”. Ang adlaw sang katumbasan amo ang adlaw sang paghukom langitnon nga ginsugdan sang 1944 kag nagapadayon tubtub karon.

Daniel 7:9-10  Nakita ko, ginpahamtang ang mga trono kag ang Isa nga dumaan sang mga adlaw naglingkod; ang Iya panapton maputi subung sang nieve, kag ang bohok sang iya ulo kaangay sa lunsay nga bulbul; ang iya trono mga dabdab nga kalayo, ang Iya mga aliling kalayo nga nagadabadaba. Ang ilig nga nagadabdab nag-ilig kag naggowa gikan sa atubangan niya; ang mga linibo sang mga linibo nag-alagad sa iya.  Kag linksa sa mga linaksa nagtilindug sa atubangan niya; ang paghukom ginpahamtang. Kag ginhumlad ang mga tulon-an

Ang paghukom nagsugud sadtong 1844 bilang pagpangusisa inbistigatiba, kaangay sang korte sa paghukom. Ang paghukom eksikutiba, amo yanang panahon nga ang mga makasasala malaglag sa katapusan sang kalibutan. Tumbas ini nga Panghitabo sa tawong nagaatubang sa hukmanan nga sa kamatayon bangud sa krimen nga iyang nahimo. Siya pagausisaon, inbistigahon, nasapwan nga guilty, declarasyon okon sentensyahan kag patyon ang silotan okon (execution).

Hebreo 8:1,2  karon ang alibutud sang aton ginasiling amo ini;may amo kita nga pinakamataas nga sacerdote,ngalingkod sa too sapagkahalangdon sa langit, alagad sa santuario kg sa matuud nga kayang kayang nga ginpatindug indi sang tawo kundi sang Ginoo.

Ari ang laragway sang langitnong santuario kon sa diin si Jesus bilang mataas nga sacerdote, naglingkud sa too sang trono. Dili sa duta kondi sa langit, Dios ang nagpatindug.

Hebreo 9:23,24      Sa amo kinahanglan nga ang mga hinuwad sang mga butang nga langitnon pagputlion sa sining mga tulumanon, apang ang mga butang gid nga langitnon sa maayo pa nga mga halad sang sa sini. Kay si Kristo nagsulod, indi sa santuario nga ginhimo sang mga kamut , nga kaangay sang matuud , kondi sa langit gid, karon sa pagpahayag sa atubangan sang Dios tungud sa aton.

Hebreo 7:25    Gani sarang sia sa tanan nga tion sa pagluwas sa ila nga nagapalapit sa Dios paagi sa iya, sangit nagakabuhi sia gihapon sa pagpatunga nga nagatabang sa ila.

Ano ang ginabuhat ni Jesus sa Santuario sa langit? Sia ang aton manugpatunga. Kasubung nga labing mataas nga sacerdote nga nagapatunga  para sa katawhan sang Israel , si Jesus sa amo man nagapatunga para sa aton. Ang iyang dugo naula sa kalbaryo bilang kasigurohan nga kita nabaton. Sia amo ang aton manluluwas, sia man ang aton manugpatunga. Matapus ang Iyang pagkayab sa langit, nagsugud na siy sa Iyang pagpangalad sa langitnong pagministerio.

Hebreo 8:5     Sila nagaalagad sing hinuwad kag landong sang langitnong santuario; kay sang si Moises manugpatindug sang kayang kayang, sia gintudloan sang Dios, nga nagasiling, “tatapa nga himoon mo ang tanan nga butang suno sa huwaran nga ginpakita ko sa imo sa. Bukid.

Ang dutan-on nga santuario isa kalandong okon ginkopya sa sinang daku nga langitnong santuario. Ang pagministerio sang mga sacerdote diri sa duta amo ang laragway sang ministerio ni Jesus sa iyang pagkayab sa langit.

Hebreo 9:11,12 Apang sang nagpahayag si Cristo nga pinakamataas nga sacerdote sang maayong mga butang nga nag-abut na., niyan paagi sa daku pa kag himpit pa nga kayangkayang ( nga wala paghimoa sang mga kamut nga kon sayuron, indi nga sa sining tinuga) nagsulud sia sing makaisa gid lang sa duug nga balaan, nga wala nagadala sang dugo sang mga kanding kag mga tinday sang baka kondi sang iya kaugalingon nga dugo, sa amo nakatigayon sing pagtubus nga dayon.

Si Jesus nagsulod sa Balaan nga duug, ang nahaunang bahin sang santuario sa tion nga Siya nagkayab na sa langit. Sa sini nga bahin diin ang dutan-on nga sacerdote adlaw adlaw nagaministerio, apang sa labing balaan nga Hulot ginasudlan sang labing mataas nga sacerdote makaisa gid lamang sa isa ka tuig. Sa adlaw sang katumbasan okon adlaw sang paghukom. Kasubung ngamay dutan-on nga katumabasan sa dutan-on nga santuario, amo man sina ang langitnong santuario. Ang paglimpyu sang langitnong santuario nagsugud sang ang 300 ka tuig natapus. Busa sang 1844 nagtapus ang pagministerio ni Jesus sa Balaan nga hulot kag sia nagsulud sa labing balaan nga hulut. Ang pagsugud sang iyang pag-imbistiga sa tagsa katawo bilang paghatag sing husto kag matarung nga paghukom.

Bugna 11:18,19      naakig ang kapungsuran, apang nag-abut ang imo kasingkal, kag ang tion sang paghukom sang mg patay, sa pagbalus sang imo mga ulipon, nga mga manalagna kag mga balaan, kag sa mga nahadluk sa Imo ngalan, sa magagmay kag sa dalagku, kag sa paglaglag sa mga naglaglag sang duta.”  Niyan na buksan ang templo sang Dios sa langit, kag nakita sa iya Templo ang kaban sa Iya katipan, kag may mga Idlab sang kilat, mabaskug nga mga kagahud, mga tunug sang daguub, linog, kag madamol nga ulan sang hielo.

Ang paghukom sa mga patay amo ang ginlaragway didri, bilang katumbas sa tion sang paghukom sa pagtakup sang 2300 ka mga adlaw sa propisiya nga nagtapus sang 1844. Talupangda nga nahinambit diri ang kaban sang katipan. Ang arka nga ginsudlan sang kasuguan sang Dios  santuario sa daan nga katipan. Ang kasulatan nga kilala bilang “ang napulo ka kasugoan”.

Santiago 2:10-12    kay ang bisan sin-o ng magbanatay sang bug-os nga  kasogoan  apang makasayup sa isa ka bahin mangin malinapason siya sa sini tanan. Kay ang nagsiling, “dili magpanglahi”, nagsiling man “dili magpatay”. Kon wala ka nagapangilahi apang nagpatay, nangin malinapason ka sang kasogoan. Gani maghambal kamu  kag magbuhat  subung nga mga tawo  nga hukman sang kasogoan sang kahilwayan.

Ang kasugoan diri nagatumod sa 10 ka kasugoan. Sa bersikulo 12. Nagapakita sang Diosnong basihan sang paghukom— ang napulo ka kasugoan.

Sa kabilogan, ang dutan-ong santuario ginkopya sa langitnong santuario. Ang nahauna nga kwaro ginasudlan pirmi kada- adlaw sang mga sacerdote bilang tumbas sang nahaunang hulot sa langitnong templo sa diin si Jesus didto nagpangalagad sa tapus Sia magkayab sa langit. Ang labing balaang nga hulot ginasudlan sang makaisa gid lamang sa adlaw sang paghukom kag si Jesus nagsugud sa pagpangalagad didto sa tuig 1844 matapus ang 2300 ka adlaw nga tagnaanon. Ang duha ka kanding diri sa duta ginarepresentaran sang:

     1. Ang kanding nga iya sa Ginoo, nga ginhalad, nagatudlo sang sakripisyo ni Kristo.

     2. Ang kanding para kay Azazel nagsimbolo kay Satanas.

Sa pagtakup sang paghukom sa pagimbistiga sa langit, ubahon ni Jesus ang Iyang bisti sang pagkasacerdote kag magsuksuk sang bisti bilang Hari, magagowa gikan sa langitnong Santuario, bayaan na ang pagbaton sang pangamuyo sang mga linuwas. Kay amo na ini ang tion nga ipatung na kay Satanas ang sala kag ang kabug-aton sini, bilang kanding ni Azazel siya pagadalhon didto sa bilangoan nga madalum kag madulom. Bugna 20:1-3. Sa katapusan siya pagadalhon sa dagat nga kalayo diin ang asupre kag kalayo magalamon sing bug-os. Sa sini nga paagi ang paglimpyu sa langitnong santuario matapus kag ang sala madula sing dayon.

Paano ayhan ka makatindug sa paghukom?

1 Juan 2:1     Mga anak ko, nagsulat ako sa inyo sini agud nga indi kamu makasala; apang kon ang bisan sin-o sa inyo makasala, may mananabang kita upod sa Amay, si Jesu- Cristo nga matarung;  kag Sia amo ang katumbasan tungud sa aton mga sala, kag indi lamang tungud sa aton kundi man tungud sa mga sala sang bug-os nga kalibutan.

Bugna 3:5      Ang nagadaug panaptan sing panapton nga maputi, kag Indi ko pagpanason ang iya ngalan sa tulun an sang kabuhi. Ituad ko ang iya ngalan sa atubangan sa akon Amay kag sa atubangan sang iya mga manugtunda.

Kon ang aton kabuhi natagoan sang aton manluluwas, wala na kita nagakinahanglan nga magkahadluk sa amo nga paghukom. Kay kita iyang pinalangga nga mga anak, Iya kitang pagabayawon sa atubangan sa Amay. Ang aton ngalan nasulat sa tulun an nga libro sang kabuhi.

Bugna 22:11,12      Ang malauton magahimo sing malaut gihapon, kag ang mahigku magmahigku sa gihapon, kg ang matarung maghimo sng matarung gihapon, kag ang balaan  magbalaan gihapon. “Yari karon, nagakari ako sing madali, nga nadala sang akon balus,sa paghatag sa tagsa ka tawo sono sa iyang buhat.

Ang paghukom magatapus sa ikaduhang pagbalik ni Jesus. Niya ang tanang kaso pagasilyohan sing dayon. Mangin ulihi na ang tanan para sa pagbag-o. Wala na ang ikaduha nga kahigayonan sasina nga tion. Sigurohon naton ang pabaton kay Jesus kag ang pagsunod sa Iya tagsa ka kamatuuran subung.

Review Sheet— Ang Paghukom

Assignment: palihug tun-i maayo ang bible study guide imbis ini sabtan.

1. San o ang tion nga ginhambal sang Biblia nga ang Santuario pagalimpyuhan? Daniel 8:14

2. Ano ang ginsugo sang Dios nga pagahimoon?  Exodus 25:8

3. Ano ang ginrepresentara sang kada gamit sa santuario?

1. Altar— ____________________________________________
2. Batya— __________________________________________
3. Candellerohan— __________________________________
4. Lamesa sang tinapay ___________________________________
5. Altar sang Incenso_______________________________________
6. Arka____________________________________________________

4. A ano nga adlaw nga ang dutan on nga santuario pagalimpyuhan? Levitico 16:29,30; 23:27

5. Ano ang pagagamitan sa duha ka kanding sa sinang adlaw? Levitico 16:7-10

1. Ang ________________________________________________________
2. Ang ____________________________________________________________

6. Ang paglimpyu sa santuario sa adlaw sang katumbasan nga amo man ang katumbas nga hukom sa pagpangusisa okon paglimpyu sa langitnong santurio nga nagsugud sang 1844, paano sang Bugn 14:6-7 nangin indikasyon sang pagsulod sang paghukom Imbistigatiba?

Ihatag sa Iya ang himaya kay ______ na ang _______ sang Iya ________;

7. Ano ang pinsahi nga hilikoton ni Jesus sa langitnong santuario? Hebreo 8:1-2.

8. Ano ang ginabuhat ni Jesus para sa iyang mga sumulunod didto sa langitnong Santuario? Hebreo 7:25

9. Sa diin nagsugud si Jesus sa iyang pagministerio sang sia nagkayab na sa langit? Hebreo 9:11-12

10. Sa diin nga bahin nagsulud si Jesus  sa santuario sa langit sang nagsugud ang hukom Imbistigatiba sang 1844? Bugna 11:18-19

Talupangda nga ang arka sang kaban sang katiapan yadto salabing balaan nga hulut sang santuario sa diin si Jesus nagbalhin sang tuig 1844.

11. Dapat bala kita mahadluk sa nahilapit nga paghukom? 1 Juan 2:1

12. Sang natapus ni Jesus ang iyang pag-alagdan sa labing balaan nga duug, may chansa pa bala nga magbag-o ang tawo? Bugna 22:11,12

Nagapasalamat ka bala nga si Jesus amo karon ang nagapatunga para sa imo paghukom? ______