15- ANG MANANABANG

From this English study: https://maranathamedia.com/download/view/15-the-comforter
Use with this chart: https://maranathamedia.com/download/view/29-the-comforterppt

Download Illongo .word file: 
https://maranathamedia-philippines.com/file_proxy/volume_ams3_01/maranathamedia-philippines.com/downloads/studies/Lesson15.docx

Ang Dios nagpanghikot paagi sa tawhanon nga mga pamaagyan. Para sa Ika-ayo sang tawhanong rasa, ang Espiritu Santo na ginpakita sa kabuhi sang mga patriarka. Sa Nehemias 9:20 aton mabasa nga kon paano “Ang Dios naghatag sang Iyang Espiritu agud nga magtudlo sa ila”;nagatumod didto sa iglesia sa kamingawan. Sa mga adlaw sang mga pinadala ang balaang Espiritu nagpakita sang gahum sa iglesia. Ang amo nga gahum naghatag kasangkol sadto kag naghimo sang buluhaton sang Dios nga epektibo nga amo man ang nagpasangkol sa mga nagsunod nga mga katuigan. Karon, ang Espiritu sang makagagahum amo sa gihapon ang magapanghikot sa tagipusoon ang tawo, nagapanghikot sa makasasala sa paghinulsul kag naggiya sa mga Kristohanon nga mangin epektibo sa mga pagpanaksihon.

SIN-O ANG BALAAN NGA ESPIRITU?

Salmo 139:7    Diin bala ako makapalagyo gikan sa imo Espiritu? Okon diin bala ako makapalagyo gikan sa imo presensiya?

1 Corinto 2:11 Kay sin-o nga tawo ang nakahibalo sang mga painoino sang tawo luwas ang Espiritu sang tawo nga yara sa iya? Subung man walay sin-o nga makahangup sang painoino sang Dios luwas ang Espiritu sang Dios.

Roma 8:9-10    Apang kamu wala sa Unod, kundi sa Espiritu, kon matuud ang Espiritu Sang Dios nagapuyo sa inyo. Ang bisan sin-o nga walay Espiritu ni Kristo indi Iya sia. Apang kon si Kristo yara sa inyo, bisan ang inyo lawas patay bangud sang sala, ang Inyo mga espiritu buhi bangud sang pagkamatarung.

Ang balaan nga Espiritu amo ang personal nga presensia sang Dios kag sang Iya anak. (Tan-awa ang pagtuon nga “ isa ka Dios kag Isa ka Ginoo”). Ang aktuwal nga kinaiyahan sang balaang Espiritu misterio. Ang tawo indi makapaathag sini,bangud nga wala ini ginpahayag sang Dios. Kon paano ang espiritu nangin presente sa bisan diin nga duug kag bisan anong tion, ini labaw sa aton malambot. Kon parti sa misterio nga nataguan sang Dios kay wala Niya ginpakita sa tawo; ang “paghipos bulawanon”.

Juan 14:26     Apang ang mana-nabang, ang Espiritu Santo nga ipadala sang Amay sa Akon ngalan , magatudlo Siya sa inyo sang tanan nga butang, kag magapahanumdum sa inyo sang tanan nga akon ginsiling sa inyo.

1 Juan 2:1     mga anak ko, nagasulat ako sa Inyo sini agud nga Indi kamu makasala; apang kon ang bisan sin-o makasala, may mananabang kita upod sa Amay,si Jesu-kristo nga matarung.

Juan 14:18     “iindi ko kamo pagbiyaan nga Ilo; magabalik ako sa inyo.

Ang Balang Espiritu gintawag nga mananabang sa Juan 14:26. Ini nga Pulong sa Greyigo parakletos. Ang amo man nga puong gingamit sa 1 Juan 2;1 kon ginatumod amo si Jesus. Sa amo sini nga palaagyan nga si Jesus  personal nga magkari agud sa pagtabang sa aton paagi sa Iyang Espiritu.

ANO ANG BULUHATON SANG BLAAN NGA ESPIRITU?

Juan 16:8      kag kon mag-abot Siya, magapatalupangud sia sa kalibutan nahanungud sa sala  kag sa pagkamatarung kag sa paghukom.

Ang pulong patalupangud gingamit sa nagakaigo. Ang Balaan nga Espiritu amo ang nagapatalupangud sa tagipusoon sang tawo. Ini ibedensia sa Pentecostes  nasulat, “nasuntok sila sa Ila mga tagipusoon”.  Binuhatan 2:37. Indi lang nga nagapatalupangud ang Espiritu ni Kristo sa sala, kundi nga sa katarungan man. Ang Espiritu nagasugyot sa tawo agud batunon ang pagkamatarung ni Kristo kag itudlo sa mga paghukom nga nagapapukaw sa hunahuna nga nadulman sang sala.  Sa amo si Kristo nagapatalupangud sa mga tawo sang ilang mga sala, paagi sa Iyang Espiritu, nagabuyok sa ila pakadto kay Kristo kag magpaandam sa ila sa mga konsekwensia nga maga-abot kon magpadayon sila sa pagpakasala.

Juan 16;13-14  kon ang Espiritu sang kamatuuran mag-abut, magatuytuy sia sa Inyo sa bug-os nga kamatuoran; kay ind sia magahambal gikan sa iya kaugalingon, kondi ang bisan anong mga butang nga iya mabati-an ipamolong niya, kag ipahayag niya sa inyo ang mga butang nga maabot.  Himayaon niya ako kay kuhaon niya ang akon kag ipahayag niya ini sa inyo.

Ang Espiritu ni Jesus magakuha sang gana sang tawo sa kalibutanong butang agud mapun-an ini sang handum nga balaanon. Kon ang tawo buut lang gid nga magpadihon sa Dios; may yara gid matuud nga pagkabag-o sa kinaiyahan. Ang Espiritu magatudlo kag magapahayag sang kamatuuran sa tagsa ka tumuloo kag magagiya sa iya kabuhi adlaw-adlaw.  

Galacia 3:14   Agud nga ang pagpakamaayo ni Abraham maglabot sa mga Gentil, agud mabaton ta ang saad sang Espiritu paagi sa pagtoo.

Ang saad nangin realidad sa tumuloo kon batonon niya ang saad paagi sa pagtoo.

ANG SABAT SANG TAWO SA GASA SANG ESPIRITU SANTO.

Juan 14:15-17.      Kon nagahigugma kamu sa akon, mgabantay kamu sang akon mga sogo. 16 kag ako magapangayo sa Amay, kag magahatag Siya sa inyo sing isa pa ka mananabang, agud nga magaupod siya sa inyo sa gihapon. Bisan ang Espiritu sang kamatuoran , nga indi mabaton sang kalibutan, kay walaini mkakita sa Iya ukon makakilala sa iya; nakiala ninyo siya, kay nagapabilin siya sa Inyo, kag mangin yara sia sa Inyo.

Kon kita magsabat sa pagpanghikot sang Espiritu sang Dios kita magapili sa pagsunod sa mando ni Jesus bangud nahigugma kita sa Iya. Ang pagsupak nagapakita nga wala ang matuud nga gugma. Samtang ang pagkamatinumanon indi makaluwas kundi, Ini nagapakita lamang sang gugma sa tagipusoon. Ang matuud sina ang pagkamasinulundon tama gid ka Imposibli sa tawo magluwas kon ang tawo  ginpuy an sang Espiritu Santo.

Binuhatan 5:32 kag kami mga saksi sa sining mga butang , kag amo man ang Espiritu Santo nga nahatag sang Dios sa mga nagatuman sa Iya.

Kon may yara man nga naga-angkon nga napun-an sang Espiritu Santo, apang wala nagatuman sa mga kasugoan sang Dios, nakulangan siya sang ebidensiya nga ang matuud nga Espiritu sang Dios yara sa Iya.

ANG PAMATUUD NGA ANG ESPIRITU SANG DIOS YARA SA. TAWO

Galacia 5:22-23     Apang ang bunga sang Espiritu amo ang gugma, kalipay, paghidait, pagbatas, kalolo, pagkaayo,pagkatutum, pagkamapainubuson, pagpugung sa kaugalingon; batok sa amo walay kasugoan.

Kon ang balaan nga Espiritu nagapuyo sasulod, may kinamatarung gid kita nga magpaabot sang bunga sang Espiritu kag mapakita ang kinaiyahan ni Jesus. Ang kabuhi nga balaan , magapahayag sang kinaiyahan sang Dios paagi sa yang mga binuhatan samtang nagakabuh. Mahimonga kita makasala sa Iya paagi sa aton tawhanon nga mga kaluyahon, apang samtang kita padayon nga magtugyan sang aton mga kaugalingon sa pagpanghikot sang Espiritu Santo samtang kita nga nagatubo, aton gid mareflect sing bug-osang knaiyahan ni Jesus.

Galacia 5:19-21     Karon hayag  ang mga buhat sang unod, nga am : pagkamakihilawason, pagkahigku, pagkaulag, pagkadiwatahan, pagkababaylan, kaaayon, pagpinuyas, kaimon, kasingkal, pagbinahin-bahin, katuhay-tuhayan, herejiya, pagkahisa, paghobog-hobog, magansal nga kinalipay, kag ang kaangay sini. Ginapaandaman ko kamu subung nga ginapaandaman ko kamo, nga ang nagahimo sang amo nga mga butang indi makapanubli sang ginharian sang Dios.

Kabaliskan sang bunga sang Balaan nga Espiritu yari ang bunga sang pagkadili matarung. Diri nahambal ang malala nga pagkabuhi sang pagpakasala, apang madamu ang nagtawag sini nga “maayong pagkabuhi”sang mga tawo nga nangin guilty sa sining mga sala sa mga huna-huna, apang gintabunan sang mga maayong tabun sa palibut sini.Ang tion magaabot nga ang ginahunahuna magagwa sa mga buhat kon makakita ini sang kahigayunan.

Galacia 5:16   Apang nagasiling ako, maggawi sa Espiritu, kag dili ninyo pagtumana ang kailigbon sang unod.

Ang bulong lang gid sa sala amo ang Balaan nga Espiritu  nga papuy-on sa sulod sa kabuhi. Kon kita magkabuhi nga sa pagkamasinulondon sa guya sang Espiritu kita magalakat sa dalan sang kadaugan.

Roma 5:5       Karon ang paglaum wala nagakaluya sa aton, bangud ang nga gugma sang Dios napasagahay sa  aton mga tagipusoon paagi sa Espiritu Santo nga ginhatag sa aton.

ANG GASA SANG ESPIRITU SANTO.

1 Corinto 12:4,7-11,28   Karon may nagkalain-lain nga hiyas, apang isa ka Espiritu, 7 sa tagsa-tagsa ginhatag ang pagpahayag sang Espiritu nga sa kapuslanan sang kadam-an 8. Sa isa ginhatag paagi sa Espiritu ang polong sang kaalam, kag ang isa ang polong sa pagkilala sono sa amo nga Espiritu, 9.  Sa isa pagtoo paagi sa amo nga Espiritu, sa isa amo ang hiyas sang pagpang-ayo paagi sa isa ka Espiritu. 10. Sa isa amo ang pagbuhat sang mga kalatingalahan, sa isa ang mga pagpanagna, sa isa mga pagkilala sa mga Espiritu, sa isa mga nagkalain-lain nga hambal, sa isa ang pagpatpat sang mga hambal. 11. Ini tanan ginabuhat sang isa kag amo nga Espiritu, nga nagapanagtag sa tagsatagsa sunu sa iya ginabuut. 28. Kag ginbutang sang Dios sa Iglesia ang nahauna pinadala, ang ika-duha mga manalagna, ang ikatlo mga manunudlo, ugaling ang mga manugbuhat sang kalatingalahan, uagaling ang mga manug-ayo, mga manugtabang, mga manugmando, mga manughambal, sa nagkalainlain nga dila.

Ang kada tawo nagkalainlain apang ang kada Kristohanon kabahin sa lawas ni Kristo. Indi tanan magkapareho sang hiyas sa Espiritu apang ang kada tumuloo gintugyanan sang mga hiyas. Bangud kay ang Isa wala pagahatagi sing kasubung sa Isa, walay kabangdanan nga magpabugal. Kasubung nga ang kada bahin sang lawas nga pareho nga Importante, amo man ang kada hiyas importante nga sa kauswagan kag katalunsay sang iglesia kristohanon.

Epeso 4:11,12  Kag ginhatag niya sa iban nga magpinadala, sa iban nga magmanalagna, sa Iban nga mag-ibanghekista, sa Iba nga magpastor, kag magmanunudlo, 12. Nga sa paghimpit sa mga balaan, sa buluhaton sa pagpanghikot. Sa pagpalig-n sang lawas ni Kristo.

Ang hiyas sang Espiritu Santo ginhatag nga sa aton kaayohan kag sa kaayohan sa iglesia ni Kristo.

MGA KONDISYON AGUD NGA MAGPUYO ANG BALAAN ESPIRITU SA SULOD NATON

Genesis 6:3     Nyan ang Ginoo nagsiling; “ Ang Akon Espiritu indi magsumpung sing dayon satawo,  kay sia man unod. Apang ang iya mga adlaw mangin-isa ka gatus kag duha ka pulo.

Sa mga nagkabuhi sa wal pa ang anaw nag-abot sa punto nga angkalautan nagsangku sa iya talaksan sa bagay nga ang Balaan nga Espiritu dili na gid makapanghikot pa. Wala na gid paglaum nga maliso pa. Amo man sa karon, kon ang tawo pdayon nga magasikway sa pagpanghikot sang balaan nga Espiritu, maabot ang tion nga magkubol na ang iyang igtalalupangud . Bisan ano pa man sa pagka mabinatason sang Dios, sa amo sina kalala nga sitwasyon ang dios nagalip-ot lang sang ti-on. Ang proseso sa pagkalawig.

Salmo 51:11    Indi ako pag-isikway O Dios gikan sa imong presensiya kag indi pagkuhaa ang imong balaang Espiritu gikan sa akon.

Si Haring David nakapasubo sa balaang Espiritu tungod sa Iyang mga sala, Apang idalum sa pagpatalupangud sa iya, Sia naghinulsol ka nagpangabay sa Dios, nga indi pagkuhaon sa Iya ang Balaan nga Espiritu.

Epeso 4:30     kag dili pagpasubua ang Espiritu Santo sang Dios, nga sa Iy pinat-inana kamu nga sa adlaw ang pagtubus.

Kon mapaslawan kita sa paglakat sa dalanon sang pagkamatarung kag nahulog sa sala, napasub-an ta ang Balaang Espiritu. Kon sundon talang ang Iyang paggiya pirmi, masilyohan kita nga sa walay katapusan. Bisan makaisa lang naton siya mapasub-an, tama na ka dilikado kay mahimo nga masulit ina liwat. Ang sulit sulit nga nga pagpasubo sa balaan nga Espiritu magadala sa tawo sa seryuso nga pagkaporma sang dili maayo nga batasan kag magluwas nga ina mabulong, makapatay ina.

Lukas 11:13    Niyan kon kamo, nga malaut, makahibalo maghatag sing maayong mga dolot sa inyo mga anak, daw ano pa gid dala nga ang Inyo Amay nga langitnon magahataag sang Espiritu Santo sa mga nagapangayo sa iya?

Gusto mo bala nga ang balaan nga Espiritu mangin sa Imo kabuhi?

Ang Imo lang buhaton amo nga magpangayo. Mas gusto sang Dios nga Imo na mabaton lbaw pa sa Imong handum. Kay kon wala sa imo kabuhi ang balaan nga Espiritu mangin dili ka takus sa langitnong ginhari-an. Paanomo masiguro nga may Espiritu Santo ka? Ang presensya sang Espiritu Santo yara sa imo kon ma-exercise mo ang imo pagtoo kag pagsalig sa Dios. Ang Espiritu mangin sa Imo kon pangayuon nimo sa Dios ang iyang pagpakig-upod sa imo. Ang Espiritu mangin sa imo kon sing maminatud-on ikaw magasunod sa Dios sa bug-os mong tagipusoon kag balaanon ang Imong kaugalingon nga walay pagbilinbilin. Ang ibedensiya nga. Ang Balaan nga Espirtu Presente  indi sa pagpakitakia ukon sa pamatyagan, okon sa pagpaulong sang mga hambal ( ini kubus pagpakita kay masami ini, madaya- busa maghaalong.) kundi paagi lang sa malinung nga pagsalig sa Dios kag pagbuhat sang Iyang kabubut-on adlaw-adlaw.

ANG KATAPUSAN NGA PAGBUBU SANG DIOSNONG ESPIRITU

Binuhatan 2:17-18 ‘kag mahanabu sa katapusang mga adlaw,nagasiling ang Dios nga, Ipasahay ko ang akon Espiritu sa tanan nga unod, kag ang inyo mga anak nga babayi magapanagna, kag ang Inyo mga pamatan-on nga lalalaki  makakita sing mga palanan-awon, kag ang Inyo mga katigulangan magadamgo sing mga damgo; ang akon mga ulipon nga lalaki kag sa akon mga babayi sa sadtong mga adlaw, ipasagahay ko ang akon Espiritu; kag magapanagna sila.

Ang pagbubu sang Balaan nga Espiritu sa Pentecoss sadto amo ang “nahaunang ulan” nga nagpakita sang Diosnong gahum sa pagpalapnag sang maayong balita. Ini nga propisiya magakatuman bilang nahaulihing ulan sa nahilapit nga katapusan sang istorya sa kalibutan. Sa sini nga tion ang katawhan sang Dios liwat mapun-an sang balaan nga Espiritu  kag magalakat agud sa paglapnag sang katapusan nga mensahi sang kaluoy. Ang pentecostes mahimayaon nga katipunan apang malampasan pa ang amo nga gahum sa sining pagbubu sang balaan nga Espiritu sa katausan nga bubu sang Dios.

Daw ano nga prebilihiyo  ini nga mangin kabahin sa katapusan nga pagtipon sang mga kalg sa dili pa ang katapusan sang tion. Smatang ang tawo walang buhi ng koneksyon sa kay Kristo subung,  bai nga mangin ulihi na kon sa dason ka pa. Yadto lang ang mga nakabaton sing lab-as nga suplay sang grasya , amo lang ang may gahum nga tumbas sa ilang kinahanglan adlaw-adlaw kag ikasarang nga maggamit ang amo nga gahum. Karon amo na ang tion agud nga mapauswag ang imong higayon.

Sa aton pagluhod sa Ginoo sa kada aga,  kag pagbalaan sa aton kaugalingon pirmi, iyang ihatag sa aton ang presensiya sang Iyang Espiritu. Samtang kita nagapadayon sa paghimo sang mga buluhaton adlaw-adlaw, aton ang kasiguruhan sang sinang dili makita nga mga ahensiya sang Espiritu Santo. Nyan magmalipayon kita sa matag- kadalag-an sa Kristohanon nga pagkabuhi kag ang pag-eksperiensiya sang kalinong sang hunahuna apang indi mahangpang sang kalibutan.

Review Sheet— Ang Balaan Nga Espiritu

Assignment: palihog tun-i anay ang bible study guide ugaling ini sabtan.

1. Sin—o ang Balaan nga Espiritu? Salmo 139:7, Juan 14:26, 1 Juan 2:1
2. Ano ang trabaho sang Balaan nga Espiritu? Juan 16:8
3. Sin-o ang responsabli nga magapahayag sang kamatuoran? Juan 16:13,14
4. Paa naton mabaton ang balaan nga Espiritu? Galacia 3:14
5. Ano ang mga ginakinahanglan agud nga mabaton ang Balaang Espiritu? Binuhatan 5:32.
6. Ano ang mga ebidensiya nga ang Balaan nga Espiritu yara sa tawo? Galacia 5:22-23
7. Paano naton maangkon angkadaugan batok sa sala? Galacia 5;16
8. Ang tanan bala nga Kristohanon may mga hiyas sang Espiritu? Ihatag ang imo Rason. 1Corinto 12
9. Naganghikot man bala ang Balaan nga Espiritu sa tionsa daan nga katipan? Maghatag sang halimbawa.  Genesis 6:3
10. Ngaa nga dilikado ang pasub-an ang Espiritu Santo?
11. Mabudlay bala nga batunon ang Espiritu Santo sa kabuhi sang tawo? Lukas  11:13
12. San-o ang katapusan nga pagbubu sang Espiritu Santo? Binuhatan 2:17-18

Handum mo bla nga Ikaw pagagiyahan sang Espiritu Santo?______